Улуу Кыайыы 80 сылыгар аналлаах  Үрүҥ Тунах Ыһыахха Аҕа дойду сэриитин, тыыл,үлэ ветерана, Бүлүү оройуонун Бочуоттаах гражданина Иванов Михаил Николаевичка  аналлаах “Сатабыллаах Мэхээлэ” пенсионердарга тэттик күрэх бастакы түһүмэҕэр —  “Мас сааһынан” -кыттааччылар чыыспаан тыырыытыгар куоталастылар.

2 түһүмэххэ- “Судургуттан туһалааҕы” диэн  кыттааччылар кыраабыл тиистииргэ куоталастылар

3 түһүмэххэ- “Соһуччу сорудах”, кыттааччылар ким түргэнник быырпах иһиитигэр уонна алаадьы сииригэр куоталастылар

4 түһүмэххэ- “Омурҕаҥҥа”, кыттааччылар Михаил Николаевич талба талаанын санаан ааһаннар, Михаил Николаевич ааҕар чабырҕаҕын толорон иһитиннэрдилэр.

Күрэҕи Михаил Николаевиһы кытта ыаллыы олорбут, үлэ ветерана, нэһилиэк пенсионердарын Сэбиэтин председателэ Шамаева Светлана Егоровна уонна Михаил Николаевич сиэннэрэ сыаналаатылар.

Күрэх түмүгүнэн Кыайыылаах үрдүк аатын ылла-  Григорьев Дмитрий Андреевич. Иккис миэстэни – Иванов Анатолий Николевич. Үһүс миэстэни – Каратаев Егор Афанасьевич.

Кыайыылаахтарга – уруй, кыттааччыларга – махтал.

Тэрээһини үрдүк таһымҥа ааһарыгар, ытыктыыр дьоннорун ааттарын үйэтитэн  бириис  туруорбут дьоммутугар барҕа махталбытын тириэрдэбит. Баҕарабыт алаһа дьиэҕитигэр дьол-соргу күлүмнэс күнэ өрүү сыдьаайа тыгыахтын, көмүс ньээкэ уйаҕытыгар үйэ-саас тухары самныбат саргыланыҥ, үөрүү-көтүү үктэллэниҥ, ил-эйэ эҥэрдэниҥ, таптал-табыллыы кынаттаныҥ! Быстыбат быйаҥнаах, уостубат уйгулаах, сырдык уоттаах  дьоҥҥо-сэргэҕэ өрүү кэрэхсэниҥ.