Улуу Кыайыы 80 сылынан Үрүҥ Тунах Ыһыахха Тыыл, үлэ ветерана, Бочуот Знага орден кавалера Ефремова Федосия Васильевна аатыгар “Сөдүөччүйэ дьарыга” пенсионердарга тэттик күрэххэ —  бастакы  түһүмэххэ- Маанылаах сахам таҥаһа күрэх. Кыттааччылабыт саха маанылаах таҥаһын хааман көрдөрдүлэр. Иккис түһүмэххэ кыттааччыларбыт бэйэлэрин тикпит оҥоһуктарын көрдөрдүлэр. Үһүс түһүмэххэ =Федосия Васильевна бастыҥ ыанньыксыт этэ, онон сыһыаннаах куоталаһыыга кыттааччылар мүнүүтэҕэ сэппэрээтэр иитэн куоталастылар. Күрэҕи Федосия Васильевнаны кытта ыаллыы олорбут чугас дьүөгэтэ, үлэ ветерана, нэһилиэк пенсионердарын Сэбиэтин председателэ Шамаева Светлана Егоровна уонна Федосия Васильевна сиэннэрэ сыаналаатылар.

Күрэх түмүгүнэн Кыайыылаах үрдүк аатын ылла-  Поскачина Акулина Кирилловна. Иккис миэстэни – Семенова Мария Иннокентьевна. Үһүс миэстэни – Тимофеева Надежда Прокопьевна.

Кыайыылаахтарга – уруй, кыттааччыларга – махтал.

Тэрээһини үрдүк таһымҥа ааһарыгар, ытыктыыр дьоннорун ааттарын үйэтитэн  бириис  туруорбут дьоммутугар барҕа махталбытын тириэрдэбит. Баҕарабыт алаһа дьиэҕитигэр дьол-соргу күлүмнэс күнэ өрүү сыдьаайа тыгыахтын, көмүс ньээкэ уйаҕытыгар үйэ-саас тухары самныбат саргыланыҥ, үөрүү-көтүү үктэллэниҥ, ил-эйэ эҥэрдэниҥ, таптал-табыллыы кынаттаныҥ! Быстыбат быйаҥнаах, уостубат уйгулаах, сырдык уоттаах  дьоҥҥо-сэргэҕэ өрүү кэрэхсэниҥ.