Улуу Кыайыы 80 сылынан Тааһаҕар нэһилиэгин Yрүӊ Тунах ыhыаҕар тыыл уонна үлэ бэтэрээнэ, «Бочуот Знага” орден кавалера Ефремова Федосия Васильевна аатыгар “Сөдүөччүйэ дьарыга” күрэс балаһыанньата.
Буолар күнэ –дьыла: 2025 сыл, бэс ыйын 27 күнэ, күнүс 15 чаастан.
Буолар сирэ: Тааһаҕар нэһилиэгэ, «Түһүлгэ» сынньалаӊ парката, Кымыс иһиитин түһүлгэтэ.
Күрэс сыала — соруга:
- Былыр — былыргыттан ырыаҕа ылламмыт, хоһооҥҥо хоһуллубут, номоххо этиллибит Саха омук далбар хотунун кэрэ эйгэҕэ, ис кыаҕынан, айар дьоҕурун, талаанын сайыннарарга, олоххо дьулуурдаах, сиэр-майгы өттүнэн туруктаах буоларын ситиһэргэ, саха төрүт култууратын билиигэ олук ууруу буолар.
- Нэһилиэкпит ытык кырдьаҕаһын тыыл уонна үлэ бэтэрээнэ, «Бочуот Знага” орден кавалерын Ефремова Федосия Васильевна аатын үйэтитии
Кыттааччылар: 55 саастарыттан үөһэ далбар хотуттар кытталлар.
Күрэс түһүмэхтэрэ:
- “Маанылаах сахам таҥаһа” – сахалыы таҥас сайбаччы кэтэн хаамыы
- “Айыы ситимэ – ситии” – ситии өрөн, таҥас кыбытан, тутан туран хоһуйуу
- “Аттаран тигии абылаҥа “– кыбытык тигиинэн ойуулаан – мандардаан тикпит оҥоһуктарын кэпсээһин
- “Үрүҥ ас уйгута” – күөрчэҕи ытыйыы (сүөгэйи, үүтү, ытыгы бэйэҕит илдьэ кэлэҕит)
- “Айыыһыт саламаата» — дьиэҕэ астаан аҕалан кэпсээһин
Биһирэбил көрүҥнэрэ:
1,2,3 миэстэ – Ефремова Федосия Васильевна сиэннэрэ, хос сиэннэрэ туруораллар
Сайаапканы “Эйгэ” норуот айымньытын Дьиэтин специалистарыгар 89627382482,89618690144, 89644153306, 89644153362, 89656766843 биэрэҕит.
