Улуу Кыайыы 80 сылыгар аналлаах «Окна Победы», «Победа в моем дворе» акцияларга нэһилиэкпит түөлбэлэрэ көхтөөхтүк кытыннылар. Бүтүн Арассыыйатааҕы аахсыйаҕа кыттыбыттар дьиэлэрин таһын, түннүктэрин хартыынаннан ойуулаан, хартыынанан, хаартысканан киэргэтэн, Улуу Кыайыыга анаммыт лозуннары суруйан тэлгэһэлэрин киэргэтэн көрүстүлэр. Түөлбэлэр салайааччылара “Саһарҕа” түөлбэ Григорьева А.Е., “Алаһа” түөлбэ Осипова В.Н., “Мичээр” түөлбэ Иванова Т.В.,”Түһүлгэ” түөлбэ Прокопьева С.К., нэһилиэк киин уулуссатыгар Кыайыыны туоһулуур былаахтары ыйаан парады киэргэттилэр. Тааһаҕарбыт дьоно- сэргэтэ, кэнчээри ыччата Улуу Кыайыы 80 сыллаах үбүлүөйүн өрө көтөҕүллүүлээхтик, бэрт тэрээһиннээхтик көрүстүбүт. Кэриэстиибит, сүгүрүйэбит, Улуу Кыайыыны уһансыбыт саллааттарга, тыылга дьоруойдуу үлэлээбит дьоммутугар, оонньооботох оҕо саастаах сэрии кэмин оҕолоругар.
«Саһарҕа» түөлбэ: «Окна Победы» — 20, «Победа в моем дворе» — 18 ыал кытынна.
«Алаһа» түөлбэ: «Окна Победы» — 14, «Победа в моем дворе» — 6 ыал кытынна.
«Мичээр» түөлбэ: «Окна Победы» — 6, «Победа в моем дворе» — 9 ыал кытынна.
«Түһүлгэ» түөлбэ: «Окна Победы» — 27, «Победа в моем дворе» — 20 ыал кытынна.
Ким да умнуллубат, туох да умнуллубат!
