🔶 Бүлүү улууьун муниципальнай тэриллиилэрин икки ардыгар ыытыллар «САЙДЫЫ ТҮМСҮҮ БАСТЫҤ ТҮӨЛБЭТЭ» улуустааҕы көрүү-күрэх ОРТО-БҮЛҮҮ түбэтин «Түөлбэ талаана» култуура бэстибээлигэр кыттыыны ыллыбыт.
Арыылаах, Бороҕон, I-Тоҕус нэһилиэктэрин кытта күөн көрүстүбүт.
Бэстибээл » Өбүгэбит туос иһитэ» быыстапка көрүүтүнэн саҕаланна. Биһиги нэһилиэктэн мааны саха туос иһитин оҥорон кыттыыны ыллылар: Поскачина Акулина Кирилловна, Тимофеев Владимир Григорьевич, Тимофеева Надежда Прокопьевна , Шамаев Николай Михайлович, Иванова Людмила Егоровна, Павлова Мария Михайловна.

☀️»Саха сиригэр Үлэ сыла». «Нэһилиэкпит киэн туттуута» альбом рапорты Шамаев Михаил көмүскээтэ. Рапортка нэһилиэк сыллааҕы үлэтин түмүгэ киирдэ.

☀️🌿 “Үлэ -үүнэр,сайдар суол” театрализованнай дьүһүйүү көрүүтүгэр нэһилиэкпит Чулуу киһитин, Аҕа дойду Улуу сэриитин ветерана, Саха АССР оскуолаларын үтүөлээх учуутала, РСФСР норуотун үѳрэҕириитин туйгуна, «Учууталлар учууталлара» бэлиэ хаһаайына, педагогическай наука кандидата, Н.К.Крупская педагогическай мэтээл кавалера, С.Новгородов аатынан бириэмийэ лауреата, Бүлүү улууhун уонна Тааhаҕар нэhилиэгин бочуоттаах олохтооҕо Игнатий Иванович Каратаев 100 сыллаах убулуойугэр аналлаах «Сүдү киһи: саллаат, учуутал, учуонай» диэн ааттаах театрализованнай дьүһүйүү көрдөрдүбүт.

🎭🎼Кыттыыны ыллылар:
«Дуоҕа» бөлөх, «Эгэлгэ» көр — күлүү норуот тыйаатыра, «Сайдыына», «Дугуйук» үҥкүү бөлөхтөрө.Кэрэ нарын хамсаныылаах үҥкүүлэринэн, эрчимнээх ырыаларынан дьону сөхтөрдүлэр.

☀️»Иис» түһүмэҕэр нэһилиэк брендовай таҥаһын көрүүтүгэр, нэһилиэкпит уран тарбахтаахтара олоҥхо кэрэ куотун уонна эр эрбэрдин уобарастарынан нэһилиэк дьаралыгын тикпит таҥастарын сыанаҕа хааман көрдөрдүлэр эдэр ыччаттарбыт Григорьева Сайыына уонна Осипов Геннадий.

☀️👏🏻👏🏻👏🏻Бары кыттаччыларга, күүс-көмө буолбут дьоннорбутугар улахан махталбытын тириэрдэбит.

«САЙДЫЫ ТҮМСҮҮ БАСТЫҤ ТҮӨЛБЭТЭ»  улуустааҕы көрүү-күрэх ОРТО-БҮЛҮҮ түбэтин «Түөлбэ талаана» култуура бэстибээлин видеотын ссылканнан киирэн көрүн.

https://vk.com/video-212592393_456239166