Сэтинньи 4 күнүгэр дойду үрдүнэн Норуот сомоҕолоһуутун күнэ бэлиэтэнэр. 2005 сыллаахха бу өрөгөйдөөх күнү бэлиэтииргэ диэн Россия президенин укааһа тахсыбыта уонна Дойдубут араас норуоттарын сомолоһууларын бэлиэтиир кэрэхсэбиллээх күндү күнүнэн биллэриллибитэ.Сомоҕолоһуу күнэ – Ийэ сирбит инники кэскилин туһугар үрдүк эппиэтинэс уонна эр санаа холобурунан буолар. Арассыыйаҕа 195 араас омук ыаллаһан олорор. Кинилэртэн хас биирдии киһи улахан норуот сорҕото буолар.Модун Арассыыйабыт, Сахабыт сирин, улууспут, нэһилиэкпит туһугар киэн туттуу, кини инники сайдыытын туһугар биир сомоҕо буолан үлэлиир-хамсыыр – биһигини барыбытын ситимниирин, түмэрин умнуо суохтаахпыт!
Тааһаҕар нэһилиэгин государственнай тэрилтэлэрин иһинэн ыытыллар «Мин тэрилтэм-мин киэн туттуум” фестиваль чэрчитинэн норуоттар сомо5оһууларын күнүгэр аналлаах «Сомоҕолоһуу – биһиги күүспүт» диэн концерт ыытылынна.Концерка кыттыыны ыллылар Тааһаҕар нэһилиэгэ тыа сирин түөлбэтэ муниципальнай тэриллии, Россия почтатын, “Боһоцдо” сайылык үлэһиттэрин, Н.Н.Каратаев аатынан орто оскуола, “Мичээр” оҕо уһуйаанын, Культура, олох дьаһах коммунальнай хаһаайыстыба коллективтара. Сомоҕолоһууну арыйар улахан тематическай концертка кыттыбыт бары тэрилтэлэргэ махталбытын тиэрдэбит.
Күндү Күбээйибит
Чэчирии сайдарыгар
Аата суола сураҕыра турарыгар
Дьоно сэргэтэ олоҕо тупсарыгар
Нэһилиэкпит дьоно
Биир киһи курдук
Биир санаалаах
Түмсүүлээх буолуоҕуҥ.
Үлүскэннээх үлэннэн
Уҕараабат дьулуурунан-чүккүөрүнэн
Холоонноох холобур буолан
Тааһаҕарым мин киэн туттуум — диэн санааннан
Бары түмсүүлээхтик
Үлэлиэҕиҥ, хамсыаҕыҥ!
