Ийэҥ сылаас үүтүн кытта

Бу тылы ыймахтаабытыҥ

Эн билбитиҥ бу тылтан

Саха буолан айыллыбыккын. 

Төрөөбүт тыл уонна сурук-бичик күнүгэр аналлаах 14 төгүлүн ыытыллар “Тааһаҕардар хоһоон туонатыгар” литературнай биэчэр  Саха норуодунай поэта, Российскай Федерация культуратын үтүөлээх үлэһитэ,Саха АССР искусстволарын үтүөлээх диэйэтэлэ Иван Михайлович Гоголев-Кындыл 95 сааһыгар ананна.Биэчэргэ оскуола оҕолоро, Н.Н.Каратаев аатынан орто оскуола коллектива, Тааһаҕар нэһилиэгин дьаһалтатын,”Мичээр” уһуйаан, ОДьКХ Тааһаҕардааҕы учаастагын, “Эйгэ” норуот айымньытын дьиэтин үлэһиттэрэ уонна “Күбэйэ” эбээлэр түмсүүлэрэ кыттыыны ыллылар. Маны сэргэ “Мин дууһам баай” диэн кинигэ быыстапката, хаартыска быыстапкатыгар  Улуу киһибитигэр анаммыт ырыа күрэҕин,ааспыт сылларга ыытыллыбыт хоһоон биэчэрдэрэ үйэтитиллибиттэрэ турдулар.Биэчэри Наталья Дмитриевна Григорьева ыытта.

Төрөөбүт тылбытын харыстыаҕыҥ, Ийэ тылбыт илгэтин, сүмэтин сүтэрбэккэбит эккэ, хааҥҥа иҥэрэммит саргыбыт салалыннын. Сахам тыла кэскилэ кэтирээтин, үйэлэргэ саха тылбыт сүппэтин!