Бүгүн, сэтинньи 11 күнүгэр, Кыадаҥдаҕа Н.Х. Константинов аатынан «Күндэ» сынньалаҥ киинигэр Төҥүргэстээх нэһилиэгэ тэриллибитэ 115 сылыгар,Савва Егорович Борисов төрөөбүтэ 100 сылыгар анаан олоҥхо персонажтарын ырыатын-тойугун толорууга күөн күрэс ыытылынна. Күрэххэ 22 кыттааччы Кэбээйи, Үөһээ-Бүлүү, Бүлүү улуустарыттан кытыннылар. 

Тааһаҕар нэһилиэгиттэн Михаил Шамаев В.О.Каратаев «Модун Эр Соҕотох» олоҥхотуттан бухатыыр тойугун ыллаан кытынна. Дьүүллүүр сүбэ быһаарыытынан Кылаан кыайыылаах — Тааһаҕартан Михаил Шамаев аттанна. 

Саха Өрөспүүбүлүкэтин Судаарыстыбаннай Сүбэһитэ, Арассыыйа Үлэтин Дьоруойа Андрей Саввич Борисов Тааһаҕар ыччатыгар Михаил Шамаевка Кылаан Чыпчаал Добун суругун үөрүүлээх быһыыга туттарда.