Олунньу ый 28 күнүгэр «Эйгэ» норуот айымньытын Дьиэтигэр, саха литэрэтиирэтин суругун-бичигин 125 сылын чэрчитинэн, «Эгэлгэ Мааска» норуот тыйаатырдарын икки ардыларыгар аһаҕас күрэх ыытылынна.
Күрэх үөрүүлээх арыллыытыгар «Эйгэ» НАДь дириэктэрэ, Петрова Клавдия Васильевна, уонна олохтоох дьаһалта аатыттан баһылык солбуйааччыта, Григорьева Ульяна Николаевна, тыйаатыр артыыстарын, режиссердарын эҕэрдэлээтилэр.

Кыттыыны ыллылар:
— Бүлүүтээҕи И.М. Гоголев-Кындыл аатынан норуот тыйаатыра, реж. Соколова Маргарита Алексеевна

— Үөһээ Бүлүүтээҕи И.С. Семенов аатынан «Олоҥхо» норуот тыйаатыра, реж. Васильева Сайыына Константиновна

— Чочутааҕы С.И. Иванов-Чочу Сэмэнэ аатынан норуот тыйаатыра, реж. Трофимова Степанида Владимировна

— Тааһаҕардааҕы «Эгэлгэ» көр-күлүү норуот тыйаатыра, реж. Шамаев Михаил Николаевич.

                   Барыта холбоон 72 норуот тыйаатырын айылҕаттан айдарыылаах, талба талааннаах артыыстара кыттыыны ыллылар.
Дьүүллүүр сүбэҕэ үлэлээтилэр: бэрэссэдээтэлинэн Российскай Федерация театральнай диэйэтэллэрин союзтарын чилиэнэ Семенов Арсен Николаевич, РФ үөрэҕириигэ уонна наукаҕа бочуоттаах үлэһитэ, СӨ үөрэҕириитин үтүөлээх үлэһитэ, СӨ култууратын уонна үөрэҕириитин туйгуна Новгородова Анастасия Афанасьевна, уус-уран самодеятельность ветерана, Бүлүү улууһугар култуура уонна духуобунас сайдыытыгар үтүөтүн иһин бэлиэ хаһаайына «Эгэлгэ» көр-күлүү театрын артыыската Григорьева Наталья Дмитриевна.
Күрэх түмүгүнэн маннык наҕараадалар, бириистэр олохтоннулар:
— Кылаан Чыпчаал үрдүк аатын ылла Үөһээ Бүлүүтээҕи И.С. Семенов аатынан «Олоҥхо» норуот тыйаатыра, Борис Павлов «Сюзанна» айымньытынан «Кэрэтэ суох олох туругурбат».

— «Бастыҥ режиссер»: Сайыына Васильева, Үөһээ Бүлүү;
— «Бастыҥ дьахтар оруола»: Людмила Леонтьева, Бүлүү куората;
— «Бастыҥ эр киһи оруола»: Михаил Шамаев, Тааһаҕар нэһилиэгэ;
— «Бастыҥ иккис былаан эр киһи оруола»: Валерий Иванов, Үөһээ Бүлүү;
— «Бастыҥ иккис былаан дьахтар оруола»: Анна Ефремова, Үөһээ Бүлүү;
— «Бастыҥ грим»: Тааһаҕардааҕы «Эгэлгэ» көр-күлүү норуот тыйаатыра;
— Айымньыны чаҕылхайдык арыйбыт театр: Тааһаҕардааҕы «Эгэлгэ» көр-күлүү норуот тыйаатыра «Күөх Көппө»;
— Көрөөччү биһирэбилэ: Бүлүүтээҕи И.М. Гоголев-Кындыл аатынан норуот тыйаатыра, «Хабах Хабырыыс мүччүргэннээх сырыылара»;
— «Тааһаҕар нэһилиэгэ» (тыа сирин түөлбэтэ) муниципальнай тэриллии анал бирииһэ: Чочутааҕы С.И. Иванов-Чочу Сэмэнэ аатынан норуот тыйаатыра, «Мааппа»;
— «Бастыҥ көстүүм»: Надежда Евсеева — Мааппа оруола;
— Айымньыны бастыҥ арыйыы: Үөһээ Бүлүүтээҕи И.С. Семенов аатынан «Олоҥхо» норуот тыйаатыра, Борис Павлов «Сюзанна» айымньытынан «Кэрэтэ суох олох туругурбат»
— «Эгэлгэ» норуот театрын анал бирииһэ: Бүлүүтээҕи И.М. Гоголев-Кындыл аатынан норуот тыйаатыра, «Хабах Хабырыыс мүччүргэннээх сырыылара».

Анал бириистэри туруорбут олохтоох дьаһалта, Тааһаҕар орто оскуолатын, «Мичээр» оҕо уһуйаанын, олох-дьаһах коммунальнай тэрилтэлэр кэллэктииптэригэр, «Силээн» ИП Прокопьева Марта Михайловнаҕа, улахан махталбытын тириэрдэбит.
Кэрэни кэрэһэлиир режиссердарбытыгар, артыыстарбытыгар, тыйаатыр ускуустубатын сэҥээрээччилэригэр баҕарабыт өссө элбэх ситиһиилэри, үрдүк чыпчааллары, биллэр-көстөр үтүө түмүктэри!