Кулун тутар 22 күнүгэр Үөдүгэйдээҕи култуура киинигэр «Чэмэлиинэ түмэр-2025» Бүлүү түбэтин улуустарын түмсүүлэрин күрэҕэр Бүлүүттэн, Ньурбаттан, Кэбээйиттэн, Үөһээ Бүлүүттэн барыта 12 түмсүүттэн 104 киһи кытынна.
Күрэххэ түмсүүлэр ыллаан, үҥкүүлээн көрдөрдүлэр. Бииртэн биир талааннаах, баай фантазиялаах түмсүүлэр көрөөччүлэр куттарын туттулар.
Биһиги эбээлэрбит «Күбэйэ» түмсүүлэрэ ырыа үҥкүү күрэҕэр кыттыннылар.

«Бастыҥ ырыа» анал ааты уонна сыаналаах бириис туттулар.

Үөдүгэй нэһилиэгин Чэмэлиинэлэрэ (салайааччы — Алина Васильева) тэрийбит, түмсүүлэри түмэ тарпыт түһүлгэлэригэр айах тутан, коллекционердар быыстапкалара туран үрдүк таһымнаахтык, өрө көтөҕүллүүлээхтик биир тыынынан ыытылынна. Түмсүүлэр билсэн- көрсөн, бэйэ бэйэттэн саҥаҕа, кэрэҕэ үөрэнэн, уопут ылан тарҕастылар