Бүтүн Россия үрдүнэн ыытыллар «Өлбөт тыыннаах полк» акцияга биһиги үүнэр көлүөнэ ыччаттарбыт кыттыһаннар Тааһаҕар нэһилиэгиттэн сэрии уоттаах толоонугар геройдуу охтубут буойуттар , төннэн кэлэн эйэлээх олоҕу уһансыбыт биһиги биир дойдулаахтарбыт Советскай Армия хорсун саллааттарын мөссүөннэрэ бүгүн биһигини кытта тэҥҥэ хаамсаллар «Өлбөт тыыннаах полк» акциятын сүрүн сыалынан эдэр көлүөнэ эһэлэрин эбэлэрин хос эһэлэрин, эбэлэрин аймахтарын уоттаах сэриигэ тыылга кыайыыны уһансыыга тус кыттыыларын туһунан ытык өйдөбулэ, сүгүрүйүүтэ буолар.Кэлэр да кэмнэргэ Кыайыы күнүгэр «Өлбөт тыыннаах полк» марштара көлүөнэттэн көлүөнэгэ ыытыллан Улуу Кыайыы туһунан өйдөбүл умнуллуо, сүтүө суоҕа. Советскай саллаат хорсун быһыыта үйэлэргэ умнуллубатын!
1945 сыл ыам ыйын 8 күнүгэр Немецкай — фашисткай халабырдьыттары утары советскай норуот Аҕа дойду Улуу сэриитин кыайыылаахтык түмүктээһинин уонна биир тыла суох бэринэрин туһунан биллэрбит. Гитлеровскай Германияны букатыннаахтык үлтүрүтүүнэн түмүктэммит, Кыһыл Аармыйа историческай кыайыыларын бэлиэтээн — ыам ыйын 9 күнэ норуот бүттүүнүн үөрүүтүн — көтүүтүн күнүнэн — Кыайыы бырааһынньыгын олохтуурга диэн ССРС үрдүкү сэбиэтин Президиумун ыйаа5ар илии баттаммыта.
Биһиги биир дойдулаахтарбыт, эйэлээх олоҕу аҕалсыбыт сүдү кылааттарын иһин УРУЙ! Улуу кыайыыны уһансыбыттарга айхал!
Кинилэр фронҥа, тыылга көрдөрбүт, өлбөөдүйбэт хорсун быһыылара хаһан да умнуллуо суоҕа! Кэлэр көлүөнэ ыччакка холобурунан буолуоҕа!
Уруй- Айхал!!!
Көлүөнэлэр быстыспат ситимнэрэ.
Улуу Кыайыы 81 сылыгар аналлаах сынньалаҥ киэһэтэ тэриллэн ыытылынна. Аҕам саастаах ыалдьыттарбытыгар анаан нэһилиэк государственнай тэрилтэлэрин сандалы остуола,70-80-90 сыллардааҕы маассабай оонньуулар, үҥкүүлэр, аныгы кэм оонньуулара, Ретро-фотозонаҕа көлүөнэннэн, түмсүүннэн хаартыскаҕа түһүү буолла.
