Кулун тутар 14 күнүгэр Бүлүү улууһун Бороҕон нэһилиэгэр “ТҮҺҮЛГЭ” култуурунай-спортивнай комплексыгар В.О.Каратаев аатын ʏйэтитэр, эдэр кɵлʏɵнэҕэ, ыччакка билиһиннэрэр сыаллаах Арассыыйа норуоттарын сомоҕолоһууларын, Саха Өрɵспүүбүлүкэтигэр култуура, Бүлүү улууһугар утум уонна үүнүү-сайдыы, Бүлүү улууһун култууратын эйгэтигэр В.О. Каратаев төрөөбүтэ 100 сылларын чэрчитинэн ыытыллар “ТОХТОР ТОЙУК ТУОНАТА” тойуксуттар күрэстэрэ буолан ааста.
Бу күн кыттааччылар уонна ыалдьыттар В.О. Каратаев Дириҥ диэн күөл аттыгар төрөөбүт өтөҕөр баран сиэр-туом толордулар, оҕолоро Ольга уонна Анна Бүлүүгэ олорбут дьиэтин хатыҥын анныттан буорун аҕалан өйдөбүнньүк сэргэтин тэлгэһэтигэр куттулар.
Күрэх балаһыанньатынан кыттааччылар В.О. Каратаев олоҥхолоруттан тойуктарын (образтар ырыаларын) толорбуттара. Тойукка Каратаев матыыбын батыһыннараллара биһирэнэрэ. Күрэскэ үс бөлөҕүнэн кытыннылар. Ордук “Модун Эр Соҕотох” олоҥхоттон толордулар. Күрэскэ 13 кыттааччы кытынна.
Бастакы бөлөххө 1 үрдэл – Михаил ШАМАЕВ (Тааһаҕар)
2 үрдэл –Илья НАУМОВ (Таатта)
3 үрдэл – Айталина САВВИНОВА (Бороҕон)
Иккис бөлөххө 1 үрдэл – Парасковья ФЕДОРОВА (Бороҕон)
2 үрдэл – Анна ЧЕРКАШИНА — Алтыына Уотту (Чинэкэ)
3 үрдэл — Наталья НОВИКОВА (Тыымпы)
Үһүс бөлөххө 1 үрдэл – Маргарита ГРИГОРЬЕВА (Тааһаҕар)
2 үрдэл — Ньургуйаана САВВИНОВА (Бүлүү)
3 үрдэл -Наталья ПРОКОПЬЕВА (Бороҕон)
Кылаан Чыпчаал – Светлана Петровна ХАРЛАМПЬЕВА — Сыдьаайа (Бүлүү).
В.О.Каратаев аатын ʏйэтитэр, эдэр кɵлʏɵнэҕэ, ыччакка билиһиннэрэр сыаллаах Арассыыйа норуоттарын сомоҕолоһууларын, Саха Өрɵспүүбүлүкэтигэр култуура, Бүлүү улууһугар утум уонна үүнүү-сайдыы, Бүлүү улууһун култууратын эйгэтигэр В.О. Каратаев төрөөбүтэ 100 сылларын чэрчитинэн ыытыллар “ТОХТОР ТОЙУК ТУОНАТА” тойуксуттар күрэстэригэр кыттыбыт нэһилиэкпит тойуксуттарын Ил Дархан олоҥхону уһуйууга степендиатын, Саха Республикатын культуратын, үөрэхтээһинин туйгунун Григорьева Маргарита Егоровнаны, “Эйгэ” норуот айымньытын дьиэтин “Эгэлгэ” норуот театрын режиссерун Шамаев Михаил Николаевиһы ситиһиилээхтик кыттыбыттарынан эҕэрдэлиибит.
