Бүлүү куоратыгар М.Н.Жирков аатынан оройуоннааҕы культура дыбарыаһыгар олунньу 22 күнүгэр “Кыһын Саха сириттэн саҕаланар” бэстибээл чэрчитинэн ыытыллар “Северная звезда” конкурс буолан ааста. Тэрээһини Арассыыйатааҕы “GLOBAL NORTH STAR” продюсерскай киин, Саха Өрөспүүбүлүкэтин култуураҕа уонна духуобунаска министиэристибэтин иһинэн геокультурнай сайдыы институтун, “Юные Якутяне” Өрөспүүбүлүкэтээҕи ресурснай киин уонна “VIVA TOUR” туроператор тэрийиилэринэн ыытылынна. Дьүүллүүр сүбэ бэрэссэдээтэлинэн хореограф-педагог, үрдүк категориялаах балет артыыһа, Москва-Петербург куораттарга хореограф-уһуйааччылар таһымнарын үрдэтэр куурустар сүрүннүүр исписэлиистэрэ, норуоттар икки ардынааҕы элбэх бэстибээллэр дьүүллүүр сүбэлэригэр үлэлээбит Литвинов Андрей Анатольевич уонна Саха Өрөспүүбүлүкэтин культууратын уонна үөрэҕитиитин туйгуннара Алексеева А.Б, Слепцова М.М.үлэлээтилэр. Дьүүллүүр сүбэ Бүлүү улууһун талба талааннаах оҕолорун, дьонун- сэргэтин сарсыардаттан киэһэ хойукка дылы сыаналаата.
Тааһаҕардааҕы “Эйгэ” норуот айымньытын дьиэтин уус-уран коллективтара чаҕылхай кыттыыны ыллылар, ол курдук:
“Дугуйук” үҥкүү ансаамбыла “Наездники” монгольскай үҥкүүннэн (сал.М.Васильева) Гран-При үрдүк аатын уонна дьүүллүүр сүбэ хайҕабылын ылла.
“Күбэйэ” эбээлэр түмсүүлэрэ (сал.А.Поскачина) “Кыбытык кустуга”муода 1 истиэпэннээх Лауреат.
“Чоргуй” чабырҕахсыт уолаттар, Айсен Алексеев хоһоон (сал Г.Алексеева) 1 истиэпэннээх Лауреат.
“Эгэлгэчээн” драм кружок артыыстара Любамир Прокопьев монолог, Айсен Баишев монолог (сал.М.Шамаев) 1 истиэпэннээх Лауреат.
“Дьулуур” үҥкүү ансаамбыла (сал.М.Васильева) 1 истиэпэннээх Лауреат.
“Толбон” үҥкүү ансаамбылар 2 истиэпэннээх Лауреат (сал М.Васильева,А.Григорьева, В.Григорьева).
“Сайдыына” үҥкүү ансаамбыла 3 истиэпэннээх Лауреат (сал.М.Васильева),
ырыаһыттар Диана Веревкина 2 истиэпэннээх Лауреат, Анжулия Яковлева 2 истиэпэннээх Дипломант (сал.Х.Осипова)
“Сайдам” вокальнай ансаамбыл 1 истиэпэннээх Дипломант (сал.Х.Осипова) кыайыы кынаттаннылар.
Бары салайааччылары, уус-уран самодеятельноспыт кыттыылаахтарын өрөгөйдөөх кыайыыларынан эҕэрдэлиибит.Кэрэ эйгэтигэр кынаттыыр ситиһиилэр кэлэ турдуннар!
