От ыйын 1 күнүгэр Кыайыы искибиэригэр Саха Өрөспүүбүлүкэтигэр бэтэрээн Сэбиэтэ тэриллибитэ 40 сылынан Знамя эстафетарын көрсүү ыытылынна. Знамяны Кыайыы искибиэригэр үлэ,культура бэтэрээнэ,Саха Республикатын культуратын туйгуна, нэһилиэк Бочуоттаах олохтооҕо Осипов Павел Васильевич росгвадия кылааһын үөрэнээччилэрин кытта үөрүүлээх быһыыга киллэрэн нэһилиэк баһылыгар Каратаев Семен Самуиловичка туттарда. Семен Самуиловичка мустубут бэтэрээннэри, ыччаттары эҕэрдэлээн туран Өрөспүүбүлүкэ бэтэрээннэрин Сэбиэтин үлэтин, нэһилиэккэ үлэлээбит,үлэлиир бэтэрээн Сэбиэтин бэрэссэдээтэллэрин үлэтин кэпсээтэ. Мустубут дьон “Суох буоллун сэрии” ырыаны хорунан толорон тэрээһини түмүктээтилэр. Салгыы нэһилиэк баһылыга Каратаев С.С., нэһилиэк бэтэрээннэрин Сэбиэтин бэрэссэдээтэлэ Иванова В.Д., Күбэйэ түмсүү кыттыылаахтара ыаллыы сытар Бөтүҥ нэһилиэгэр Саха Өрөспүүбүлүкэтигэр бэтэрээн Сэбиэтэ тэриллибитэ 40 сылыгар аналлаах Знамя эстафетатын туттардылар.
