«Эйгэ» норуот айымньытын дьиэтигэр «ТЫЙААТЫР- МИН ОЛОҔУМ САРГЫТА, МИН КУТУМ ТАЛААНА»  «Эгэлгэ» көр-күлүү норуот тыйаатырын артыыската Саргылана Прокопьева айар дьоро киэһэтэ буолла. Көр-күлүү киэһэтигэр заалы толору мустубут көрөөччүлэр, Саргылана Кимовна талааныгар сүгүрүйээччилэр ытыс дохсун тыаһынан заал иһин толордулар. Дьээбэлээх- хооболоох сыанкалар, ылбаҕай ырыалар, көрдөөх- нардаах оонньуулар быыстала суох ыытылыннылар.

Биэчэр үөрүүлээх чааһа олус долгутуулаах буолла биэчэргэ Саргылана Кимовна төрөппүттэрэ, бииргэ үөрэммит табаарыстара төрөөбүт дойдутуттан Балаҕаччыттан, биир идэлээхтэрэ Бүлүү улууһун нэһилиэктэриттэн  кэлэн кыттыыны ыллылар. Үөрэппит оголоро куйаар ситимин  нөҥүө эҕэрдэлэрин ыыппыттарын бары экраҥҥа көрөн эмиэ биир долгутуулаах, үөрүүлээх түгэн буолла.Үөрүүлээх быһыыга 30 сыл көрөөччүлэргэ кэрэни сахпыт бэлиэтин «Эгэлгэ» көр-күлүү норуот тыйаатырын артыыската Прокопьева Саргылана Кимовнаҕа Саха Республикатын култууратын уонна духуобунаһын министерствотын “За вклад развития народного творчества” үрдүк наҕараадата туттарылынна.Эҕэрдэ эгэлгэтэ, истиҥ тыллар этилиннилэр. Тыйаатыр эйгэтигэр 30 сыл сценаҕа бииргэ оонньообут артыыстара, эдэр артыыстар «ТЫЙААТЫР- МИН ОЛОҔУМ САРГЫТА, МИН КУТУМ ТАЛААНА» бэртээхэй биэчэри көрөөччүгэ бэлэхтээтилэр.