Бырааһынньыгы Тааһаҕар нэһилиэгин баһылыгын солбуйааччы Григорьева У.Н. бар дьонун эҕэрдэлээн саҕалаата, «Чоргуй» фольклорнай бөлөх оҕолоро салайааччылара Алексеева Г.П. арыаллаан саас кэлиитин айхаллаан хоһоон ааҕан, таабырын таайтаран көрөөччүлэргэ бырааһынньыктааҕы настарыанньаны үөскэттилэр. Сааһы уруйдаан ырыа ылланна, үҥкүү үҥкүүлэннэ.Түөлбэлэринэн Арассыйа5а Дьиэ кэргэн сылыгар  аналлаах «Көрдөөх старт» күрэхтэһиигэ «Түһүлгэ» түөлбэ бастыҥ ыала Андреевтар хотон олохтоох дьаһалта анал бирииһин ыллылар. «Саһарҕа» түөлбэ эдэр ыала Егоровтар көхтөөхтүк кытыннылар.Канат тардыһыытыгар «Саһарҕа» түөлбэ бастаата. Саха Республикатыгар Оҕо саас сылыгар аналлаах «Уол Хоһуун» күрэххэ 6 уол кыттан илин кэлин түсүһэн Ян Веревкин 1 миэстэни ылла.2 миэстэ Станислав Поскачин, 3 миэстэ Тимур Прокопьев буоллулар. Күрэххэ спонсардаабыт нэһилиэкпит ыччаттарыгар  Национальнай многоборьеҕа спорт маастарыгар кандидат, Бүлүү Боотур кыайыылааҕар Дмитрий Петровка,мас тардыһыытыгар Бүтүн Арассыыйатааҕы чемпионат призерыгар,республикатааҕы «Саҥа ааттар» турнир призерыгар Ким Прокопьевка махталбыт тиэрдэбит.Маны таһынан биирдиилээн күрэхтэргэ олохтоохтор да, ыалдьыттар да көхтөөхтүк кытыннылар. Ас-үөл дьаарбаҥкатын кыттыылаахтара  ас арааһын атыылаан дьон тото тоҕуоруста.

Сандал саас салаллан кэлбитэ санааны кынаттыыр, санааны көнньүөрдэр.