Самаан сайын барахсан

Ситэн хотон сириэдийэн

Алаас сыһыы чэлгийэн

Кэрии тыабыт кэрэтийэн

Кэҕэ кыылбыт чоргуйан,

Итии куйаас эргийэн

Аһыныгас санаалаах

Айыы Дьөһөгөй аймаҕа

Айгыр силик айылҕалыын

Анаан ааттаан алтыһар

Аал уоту айахтаан

Айыылары айхаллыыр

Алгыс анаан көрдөһөр

Үүнэр сүктэр, сүгүрүйэр

Үтүө мааны күннэрэ

Саҕаланна доҕоттоор!

Тааһа5ар   нэһилиэгин ытык – мааны кырдьаҕастара, пенсионердара мустан   Эбэни маанылаан, нэһилиэкпит байанайдаах булчуттара биэрбит кустарынан, хаастарынан күндүлэлэн, Күн оһуохайыгар кыттыһан,эдэр саас оонньуутун оонньоон самаан сайыны үөрэ-көтө көрүстүлэр. Эдэр саас ырыата ылланна, эҕэрдэ тыл эгэлгэтэ этилиннэ, баян тыаһыгар уйдаран үҥкүүгэ эргийдилэр.

Бүлүү куоратыттан Томская Мария Петровна салайааччылаах “Бүлүү улууһа эһигинниин бииргэ”көмө оҥорор пуун волонтердара ыалдьыттаан эҕэрдэ эттилэр, ылбаҕай ырыа ыллаатылар, куоталастылар.

Сүргэбит көтөҕүллүннэ,

Санаабыт саймаарыйда.

Күөх сирэммит өрүү чэлгийэн истин,

Көй чыычаах күйгүөрэ

Көөнньө чуопчааран иһиэхтин.