Томороон тымныылаах Сахабыт сиригэр аламай күммүт сылааһынан илгийэн тиийэн кэллэ биһиэхэ сайа охсор салгыннаах, сырдыы тыгар сардаҥалаах сандаархай сандал саас. Сандал сааспыт сандаарыйан, үөрэн-көтөн, мичилийэн тиийэн иһэр биһиэхэ уруйдуоҕуҥ-айхаллыаҕыҥ сандал сааспытын! Нэһилиэкпит дьоно, оҕо- аймах мустан ыллаан, үҥкүүлээн, атыы тэриллэн, оонньоон, күрэхтэһэн, үөрэн-көтөн сааспытын көрүстүбүт.

Саха сиригэр  Уол Оҕо күнүгэр аналлаах  «Уол Хоһуун» оскуола 9 уонна 11 кылаас уолаттарыгар күрэххэ Петров Василий, Шамаев Айаал, Прокопьев Тимур, Алексеев Айсен кыттан уол оҕо эт -хаан өттүнэн сайдыылаах буоларыгар дьулууру, чөл олоҕу өрө туталларын көрдөрдүлэр. Күрэх түмүгүнэн «Уол Хоһуун» үрдүк аатын Василий Петров ылла.

Күрэххэ спонсордаатылар

•  Көҥүл тустууга  ССРС спорт маастарыгар кандидат, хапсаҕайга Саха сирин спордун маастара, республиканскай күрэхтэһиилэр хас да төгүллээх призера Антон Нифонтович Григорьев;
• Арассыыйаҕа пауэрлифтиҥҥа спорт маастара, арассыыйаҕа, Дальнай Востокка, Саха сиригэр пауэрлифтиҥҥа хас да төгүллээх чемпиона, Саха сиригэр көҥүл тустууга уонна хапсаҕайга хас да төгүллээх чемпиона   Александр Антонович Поскачин;
•  Саха төрүт көрүҥнэригэр спорт маастарыгар кандидат, Бүлүү Боотур кыайыылааҕа Дмитрий Алексеевич Петров;
•  Мас тардыһыытыгар Бүтүн Арассыыйатааҕы чемпионат призера, Республикатааҕы “Саҥа ааттар” турнир призера Ким Васильевич Прокопьев.
• Ытыыга уонна көҥүл тустууга бастакы разрядтаах, волейболга, баскетболга, остуол тенниһыгар республика призера, росгвардия кылааһын салайааччыта Алковиад Алковиадович Иванов

Нэһилиэкпит спорду өрө туппут спортменнарыгар сыл ахсын эдэр ыччаттары көҕүлээн бириис туруоралларыгар “Эйгэ” норуот айымньытын Дьиэтин үлэһиттэрин ааттарыттан махталбытын тиэрдэбит.