Улуу Кыайыы 80 сылыгар аналлаах Үрүҥ Тунах Ыһыахха тыыл уонна үлэ ветераннарын ааттарыгар “Оһуохай – төрүт оонньуубут» үҥкүү тылын этээччилэрин күрэҕэр Эллэй Боотур саҕаттан элбэх үйэлэр тухары Иэйиэхситтэн ситимнээн уруйдаммыт оһуохайы кэскиллээх олох туһугар түөлбэ күөлгэ маарыннаах түһүлгэни төрүттээн, эдэрдиин-эмэнниин түмсэн, илии илииттэн ылсыһан, тоҥонохтон тутуһан Улуу Кыайыыны уруйдаан, Үрүҥ Тунах ыһыаҕы айхаллаан ыраахтан – чугастан мустаннар оһуохайдаан тэйдилэр.

Дьүүллүүр сүбэ саха фольклорун өрө тутан тарҕатааччылар, уһуйааччылар, нэһилиэкпит киэн туттар ыччаттара Куланова Тамара Евгеньевна, Осипова Христина Ивановна дьоһуннаахтык сыаналаатылар.

Оһуохайга оҕолорго Кылаан Чыпчаал үрдүк аатын Андреев Эрхан ылла.Тыыл, үлэ ветерана элбэх оҕо аҕата, сэрии кэмигэр ааҕар балаҕан үлэһитэ, уус-уран самодеятельность ветерана Каратаев Афанасий Сидорович аатынан  анал бириис — многофункциональнай Мясорубка тутан үөрдэ – көттө.

1 миэстэни — Андреев Эрхан ылла. Тыыл, үлэ ветерана элбэх оҕо ийэтэ Каратаева Христина Степановна аатынан анал бирииһи – 3 000 т. наҕараадаланна.

2 миэстэни  — Григорьев Олег ылла. Тыыл, үлэ ветерана элбэх оҕо аҕата Петров Иван Алексеевич аатынан анал бирииһи —  3000 т наҕараадаланна.

3 миэстэни  —  Воловик Николай ылла. «Эйгэ» норуот айымньытын Дьиэтин анал  бирииһэ —  походный наборунан наҕараадаланна.

Оһуохайга улахан дьоҥҥо Кылаан Чыпчаал дьахталларга  үрдүк аатын Шамаева Сайыына ылла. Герой Ийэ, тыыл үлэ ветерана оһуохайдьыт, тойуксут Петрова Анна Архиповна аатынан  бирииһинэн 15 000 т. наҕараадаланна.

Кылаан Чыпчаал эр дьоҥҥо үрдүк аатын Шамаев Михаил Николаевич ылла. Норуот ырыаһыта, оһуохайдьыт  үлэ ветерана  Иванов Платон Васильевич аатынан бирииһинэн 12 000 т наҕараадаланна.

1 миэстэни – Каратаева Ольга Самуиловна ылла. Тыыл, үлэ ветерана элбэх оҕо аҕата, уус-уран самодеятельность ветерана Егоров Егор Михайлович  аатынан анал бирииһи —  9 000 т наҕараадаланна.

2 миэстэни – Суханов Айаал Никифорович ылла. Тыыл, үлэ ветерана, трудовой фронт кыттыылааҕа ,элбэх оҕо аҕата Шамаев Егор Алексеевич аатынан анал бирииһи  7 000 т наҕараадаланна.

3 миэстэни – Васильева Мария Даниловна ылла. Тыыл, үлэ ветерана элбэх оҕо аҕата,  уус-уран самодеятельность ветерана Осипов Алексей Николаевич  аатынан анал бирииһи  4 000т наҕараадаланна.

Кыайыылаахтарга – уруй, кыттааччыларга – махтал.

Тэрээһини үрдүк таһымҥа ааһарыгар, ытыктыыр дьоннорун ааттарын үйэтитэн  бириис  туруорбут дьоммутугар барҕа махталбытын тириэрдэбит. Баҕарабыт алаһа дьиэҕитигэр дьол-соргу күлүмнэс күнэ өрүү сыдьаайа тыгыахтын, көмүс ньээкэ уйаҕытыгар үйэ-саас тухары самныбат саргыланыҥ, үөрүү-көтүү үктэллэниҥ, ил-эйэ эҥэрдэниҥ, таптал-табыллыы кынаттаныҥ! Быстыбат быйаҥнаах, уостубат уйгулаах, сырдык уоттаах  дьоҥҥо-сэргэҕэ өрүү кэрэхсэниҥ.