Улуу Кыайыы 80 сылыгар аналлаах Тааһаҕар нэһилиэгин Yрүӊ Тунах ыhыаҕар «Оһуохай – төрүт оонньуубут» тыыл уонна үлэ бэтэрээнэ, Герой Ийэ, эриэккэс этиилээх эһиэкэйдьит, хомоҕой тыллаах тойуксут Петрова Анна Архиповна аатыгар ыытыллар оһуохай күрэҕин балаһыанньата.

Буолар күнэ –дьыла:  2025  сыл, бэс ыйын 27 күнэ, күнүс 14 чаастан.

Буолар сирэ: Тааһаҕар нэһилиэгэ, «Түһүлгэ» сынньалаӊ парката, Оһуохай түһүлгэтэ.

Сыала – соруга:

— Саха норуотун духовнай культуратын сайыннарыы, үтүө үгэстэрин үйэтитии, Үрүӊ тунах ыһыах бастыӊ оонньуутун Оһуохайы киэӊник тарҕатыы, талба талааннарын көҕүлээһин, кэскиллээх эдэр үӊкүүһүттэри арыйыы.

— Нэһилиэкпит ытыктанар тыыл уонна үлэ бэтэрээнэ, Герой Ийэ, эриэккэс этиилээх эһиэкэйдьит, хомоҕой тыллаах тойуксут Петрова Анна Архиповна  аатын үйэтитии.

 Оһуохайга кыттааччыларга ирдэбиллэрэ:

— оҕо уонна улахан дьон кытталлар;

— оһуохай түһүмэхтэрин тутуһуута, туойан саҕалааһын, хааман, көтүтэн үӊкүүлээһин;

— этээччи уус – уран тылын баайа, дьүһүйэн хоһуйуута, үӊкүүтүн тэтимэ, түһүлгэтин тутара, куолаһын чөллөркөйө, күүһэ, кылыһа5а, сахалыы таӊаһа – саба, тутта – хапта сылдьара, кынаттара, түһүлгэтин киэӊэ;

— этээччи бириэмэтэ хааччахтаммат, ол эрээри уһуннук этии сүрүн сыанабыл буолбат;

Күрэххэ кыттыы иһин взнос – 300 солк

Биһирэбил көрүӊнэрэ:

— Оҕолорго уонна улахан дьоҥҥо Кылаан бириис туруораллар тыыл уонна үлэ бэтэрээнэ, Герой Ийэ, эриэккэс этиилээх эһиэкэйдьит, хомоҕой тыллаах тойуксут Петрова Анна Архиповна  оҕолоро, сиэннэрэ, хос сиэннэрэ

— Анал ааттар бириистэрин нэһилиэкпит тыыл уонна үлэ бэтэрээннэрин оҕолоро, сиэннэрэ,хос сиэннэрэ туруораллар

Сайаапканы “Эйгэ” норуот айымньытын Дьиэтин специалистарыгар 89627382482,89618690144, 89644153306, 89644153362, 89656766843 биэрэҕит.