Ахсынньы 12 күнүгэр Дьокуускай куоракка Арчы Дьиэтигэр СӨ бырабыыталыстыбатын быһаччы өйөбүлүнэн, иккис төгүлүн 7-тэн 17 сааһыгар диэри саастаах оскуола оҕолоругар өрөспүүбүлүкэтээҕи «Оһуокайдаан ойуохха, эҺиэкэйдээн тэйиэххэ» оҺуокай күрэҕэ ыытылынна.

Күрэҕи өрөспүүбүлүкэтээҕи норуот айымньытын киинэ сүрүннээн ыытта. Өрөспүүбүлүкэбит 20 оройуонуттан 80 оҕо кыттаннар, икки бөлөҕүнэн оҕолор элбэхтэрин иһин бөлөҕүнэн арахсан күрэхтэстилэр. Оҕолор сүрүннээн быйылгы сыл Кыайыы 80 сылын хоһуйан эттилэр.
БиҺиги нэҺилиэкпититтэн ТааҺаҕар талааннаах кэнчээри ыччаттара, «Эйгэ» норуот айымньытын Дьиэтин «Чуораанчык» бөлөх оҺуокайдьыттара Григорьев Олег, Андреев Эрхан, Воловик Николай кыттыыны ыллылар. Оҕолор доҕулдьуҺан хамсанан, анаммыт тиэмэлэрин арыйан, туттан — хаптан бэркэ оҺуокайдаатылар. Оҕолорбутугар инникитин ситиҺиилээх кыттыыны, талааннара өссө сайдан үүнэн иҺэригэр баҕарыаҕыҥ