Өрөспүүбүлүкэтээҕи “Оһуокайдаан ойуохха-эһиэкэйдээн тэйиэххэ” оҕо оһуокайын күрэҕэ ахсынньы 10 күнүгэр Дьокуускай куоракка Аксинья уонна Наталья Посельскайдар ааттарынан балет оскуолатыгар буолла. Сарсыарда “Саха Өрөспүүбүлүкэтин картата” норуот айар талааннаахтарын анал быыстапката тэриллиннэ. “Оһуокайдаан ойуохха-эһиэкэйдээн тэйиэххэ” оҕо оһуокайын күрэҕин үөрүүлээх арыллыытыгар кыттыыны ыллылар Саха Өрөспүүбүлүкэтин культуратын уонна духовнай сайдыытын миниистирэ А.И. Ноев, Өрөспүүбүлүкэтээҕи норуот айымньытын Дьиэтин дириэктэрэ С.С. Семенов.
Өрөспүүбүлүкэбит араас улуустарыттан хомоҕой тыллаах, кылыһахтаах куоластаах 60 оһуокайдьыт оҕолор кытыннылар. “Эйгэ” норуот айымньытын Дьиэтин “Чуораанчык” бөлөх иитиллээччитэ Айаал Суханов көхтөөх кыттыыны ылла. Салайааччы Алексеева Гульнара Павловна.
