Үс өрүс тардыылаах, уу чалгый куттаах,дьикти айылҕалаах, былыр-былыргыттан күүстээх санаалаах, хоһуун дьонноон Кэбээйи сиригэр-уотугар Олоҥхо XIX Өрөспүүбүлүкэтээҕи ыһыаҕа ыытылынна.Тааһаҕар нэһилиэгин талба талааннаахтара оһуохайдаан, олоҥхолоон, иис-уус быыстапкатыгар кыттан төрүт үгэстэрбитин толорон дьоҥҥо-сэргэҕэ биһирэттилэр дьүүллүүр сүбэ үрдүк сыанабылын ыллылар , култуурабыт үрдүк чыпчаалын олоҥхону толорон Кылаан кыайыы төкөллөөх кэллилэр.
«КЫРСАЛЫЫ КЫЛЫҺАХТААН, КУОҔАСТЫЫ КУЙУҺУТАН,ТАХСАР КҮН САРДАҤАТЫНАН ОЛОҤХОЛООХ ОЛОҔУ ТУОЙДАХПЫНА…» ОЛОҤХОНУ ТОЛОРООЧЧУЛАР ӨРӨСПҮҮБҮЛҮКЭТЭЭҔИ КҮӨН-КҮРЭСТЭРЭ – ЫЧЧАТ ДЬОН ТОЛОРУУТУГАР:
КЫЛААН ААТ –САЙЫЫНА ШАМАЕВА. II ҮРДЭЛ — МИХАИЛ ШАМАЕВ.
“КЫЛЫҺАХ ЫРЫАЛААХ” анал аат -НАРЫЙА ШАМАЕВА. СЕРТИФИКАТ – “ТААҺАҔАР ОЛОҤХОҺУТТАРА” ОЛОҤХО АНСААМБЫЛА. МАХТАЛ СУРУК -АЛИНА ПОСКАЧИНА.
“ОЛОҤХОНУ ТУТА ХОҺУЙУУ” – КҮӨН КҮРЭСКЭ.
“КЭСКИЛЛЭЭХ ТОЛОРООЧЧУ” анал аат – МИХАИЛ ШАМАЕВ.
“ЭЛБЭҔИ ЭРЭННЭРЭР ОЛОҤХОҺУТ” анал аат — САЙЫЫНА ШАМАЕВА.
ОҺУОХАЙ ТЫЛЫН ЭТЭЭЧЧИЛЭР «АЛАМАЙ КҮН АЛЫПТААХ ҮҤКҮҮТЭ» КҮӨН-КҮРЭСТЭРИГЭР:
3 МИЭСТЭ — САЙЫЫНА ШАМАЕВА
“КЭСКИЛЛЭЭХ ТОЛОРООЧЧУ” анал аат – САЙЫЫНА ГРИГОРЬЕВА.
ТИМИР УУСТАРЫН ИККИ АРДЫЛАРЫГАР ЫЫТЫЛЛАР «САХА ТИМИРЭ: СӨРГҮТҮҮ» КҮӨН-КҮРЭСКЭ КЫТТЫБЫТ БҮЛҮҮ УЛУУҺУН НОРУОТУН МААСТАРЫН ШАМАЕВ НИКОЛАЙ МИХАЙЛОВИҺЫ СИТИҺИИЛЭЭХТИК КЫТТЫБЫТЫНАН ЭҔЭРДЭЛИИБИТ,
НОРУОТ УУС-УРАН ОҤОҺУКТАРЫНАН «ИИС-УУС ДЬАРЫГА – ҮЙЭЛЭР КИСТЭЛЭҤНЭРЭ» КҮӨН-КҮРЭС –БЫЫСТАПКАҔА КҮБЭЙЭ ЭБЭЭЛЭР ТҮМСҮҮЛЭРИН “ДЬУЛУРУЙАР НЬУРГУН БООТУР” ҮЛЭЛЭРЭ,СЭРИИ СЫЛЫН ОҔОТО,СР КУЛЬТУРАТЫН ТУЙГУНА ИВАНОВА ЛЮДМИЛА ЕГОРОВНА ЕГОРОВНА “ОЛОҤХОҺУТ” ҮЛЭТЭ КЫТТЫЫНЫ ЫЛАН АНАЛ СЕРТИФИКАТЫНАН БЭЛИЭТЭННИЛЭР.
ААН ДОЙДУТААҔЫ ЭПОСЫ НАРОДОВ МИРА ПРОЕККА ЭЙГЭ НОРУОТ АЙЫМНЬЫТЫН РЕЖИССЕРА МИХАИЛ ШАМАЕВ КЫТТЫЫНЫ ЫЛЛА,БУ ПРОЕККА БАШКОРТОСТАН,ТЫВА, АЛТАЙ,КЫРГЫСТАН,КАЗАХСТАН ТОЛОРООЧЧУЛАРА КЫТТЫЫНЫ ЫЛЛЫЛАР.
Кэбээйи сиригэр-уотугар Олоҥхо XIX Өрөспүүбүлүкэтээҕи ыһыаҕар кыттыыны ылбыт биир дойдулаахтарбытыгар ситиһиилээх кыттыыгытынан үөрэн туран эҕэрдэлиибит.Төрүт үгэстэрбит көлүөнэттэн көлүөнэҕэ тиэрдэр уонна толорор ыччаттарбытынан киэн туттабыт.Саха норуотун барҕа баайа ОЛОҤХО –үйэлэргэ! Норуоттар доҕордоһуулара-куруутун!
