“Олоҥхо дойдутун оҕотобун – 2026″ бэстибээл Саха Өрөспүүбүлүкэтигэр култуура, Бүлүү улууһугар утум уонна үүнүү-сайдыы, улуус култууратын эйгэтигэр биир дойдулаахпыт, энтузиаст олоҥхоһут Василий Осипович Каратев 100 сылларыгар ананан 28-с төгүлүн Бүлүү куоратыгар Олоҥхо дьиэтигэр ыытылынна. Эйгэ норуот айымньытын дьиэтигэр дьарыктанар үс олоҥхо ансаабмыллара Чуораанчык уһуйааччы Алексеева Г.П.,Үрүмэччи уһуйааччы Шамаев М.Н., Сардаҥа уһуйааччы Осипова Х.И. ситиһиилээхтик кытыннылар. Маны таһынан Чуораанчык ансаамбыл кыттыылаахтара Воловик Николай, Андреев Эрхан биирдиилээн олоҥхо толордулар.
Күрэх түмүгүнэн бөлөҕүнэн толорууга:
I Үрдэл — “Үрүмэччи” фольклорнай бөлөх, 7 кылаас оҕолоро (С Васильев “Үөлэн Хардааччы” олоҥхотунан).
II Үктэл“Чуораанчык” фольклорнай бөлөх (С.И.Иванов “Киис Бэргэн бухатыыр” олоҥхотунан).
II Үктэл “Сардаҥа” фольклорнай бөлөх — (С.Н. Каратаев-Ырыа Дыгыйар «Сүүлэлдьин Боотур» олоҥхотунан)
Олоҥхону биирдиилээн толорууга:
Воловик Николай — I Үрдэл(Киис Бэргэн бухатыыр олоҥхо)
Андреев Эрхан — III Үрдэл (Оҕо Тулаайах олоҥхо)
“Олоҥхо дойдутун оҕотобун – 2026″ бэстибээл түмүгүнэн“Бастыҥ уһуйааччы” үрдүк аата “Эйгэ” норуот айымньытын дьиэтин уус-уран салайааччыта, “Чуораанчык” фольклорнай ансаамбыл салайааччыта Алексеева Гульнара Павловна ааттанна.
Олоҥхо дойдутун оҕотобун – 2026″ бэстибээл Саха Өрөспүүбүлүкэтигэр култуура, Бүлүү улууһугар утум уонна үүнүү-сайдыы, улуус култууратын эйгэтигэр биир дойдулаахпыт, энтузиаст олоҥхоһут Василий Осипович Каратев 100 сылларыгар ананан 28-с төгүлүн ыытыллыбыт бэстибээл кыттыылаахтарын, уһуйааччыларын ситиһиилэринэн эҕэрдэлиибит
Олоҥхо аан дойдуга киһи-аймах бүттүүнэ культурнай нэһилиэстибэ буоларын билиммит тылынан уус-уран айымньыбыт, барҕа баайбыт, духуобунай сүдү кылааппыт. Олоҥхону харыстааһын, үйэтитии – биһиги төрөөбүт тылбытын, үгэспитин харыстааһын, ол аата омук быһыытынан чөл буоларбыт, уһуурбут, сайдыыбыт биир сүрүн тирэҕэ, олуга. Тылын, үгэһин билэр, өйдүүр, ытыктыыр омук, кини ыччата ханна да тиийдэр ордук тирэхтээх, кыахтаах, кэскиллээх. Ыччаттарбытын олоҥхоҕо үөрэтэр уһуйааччыларбыт,хас биирдиигит үлэтэ итинник дириҥ суолталаах.
