Бу дьыл олунньу биир үтүө күнүгэр Арассыыйаҕа норуоттар сомоҕолоһууларын, Үөрэҕэрии эйгэтигэр Оҕо уһуйаанын, Саха Өрөспүүбүлүкэтигэр Культура, Бүлүү улууһугар утум уонна үүнүү-сайдыы, культура эйгэтигэр биллиилээх олоҥхоһут Баһылай Уоһукабыс Харатаайап,Үөрэҕирии эйгэтигэр Ааҕыы, Тааһаҕар нэһилиэгэр тыа сирин үлэһит дьонун сылларын үөрүүлээхтик арыйыы «Эйгэ” норуот айымньытын Дьиэтигэр өрө көтөҕүллүүлээхтик ыытылынна.

Уус – уран самодеятельность кыттыылаахтара — “Күбэйэ» (салайааччы Поскачина А.К.), «Дугуйук» (салайааччы Васильева М.Д.), “Тааһаҕар олоҥхоһуттара” (салайааччы Петрова К.В.), “Дуоҕа» (салайааччы Шамаев М.Н.), “Далбарай» (салайааччы Осипова Х.И.), “Күбэйэ Хотун” (салайааччы Григорьева У.Н.), «Эгэлгэ” (режиссер Шамаев М.Н.), “Сардаҥа” (салайааччы Осипова Х.И.), “Чоргуй” (салайааччы Алексеева Г.П.) бары биир сомоҕо буолан, биир ньыгыл санаанан кэрэ көстүүлэри бэлэхтээтилэр.

“Бастыҥ тэрилтэ” нэһилиэк государственнай тэрилтэлэрин икки ардыларыгар сылы быһа ыытыллар күрэхтэһиилэр 2026 сыл арыллыытыттан саҕаланан, Администрация (Баһылык Каратаев С.С.), Н.Н.Каратаев аатынан Тааһаҕар орто оскуолата (Директор Нахов Г.И.), “Мичээр» оҕо уһуйаана (Сэбиэдиссэй Семенова Н.А.), “Түмэн” хамаанда ( “Эйгэ” НАДЬ директора  Петрова К.В., ОДЬКХ начальнига Осипов Р.А., “Орто Бүлүү сельпо маҕаһыын сэбиэдиссэйэ Катанова Л.В., «Сардаана” маҕаһыын сэбиэдиссэйэ Барабанская А.Е.)  тэрилтэлэрин кэпсиир видеороликтарынан, музыкальнай эҕэрдэлэринэн көхтөөхтүк кытыннылар.

Өссө биир кэрэ бэлиэ түгэнинэн, сэрии кэмин оҕотун, үлэ, сыана бэтэрээнин, уус-уран самодеятельность кыттыылааҕын, театр артыыһын, иистэнньэҥ, сэһэнньит, культура эйгэтиттэн арахпат нэһилиэкпит ытык кырдьаҕаһын Мария Егоровна Павлованы  өрөгөйдөөх 90 сааһынан үрдүк сыанаҕа чиэстээһин буолла. “Эгэлгэ” норуот тыйаатырын артыыстара Павлова Мария Егоровна сыанаҕа оонньообут оруолларынан дьүһүйүү туруоран эҕэрдэлээтилэр. «Эйгэ” норуот айымньытын Дьиэтин директора Петрова Клавдия Васильевна Бүлүү улууһун духуобунай сайдыытыгар кылаатын иһин үрдүк наҕарааданы туттарда. Сыана бэтэрээнэ Павлова Мария Егоровна таптаан аахпыт монологун Петр Пестряков репертуарыттан “Таптал Платоновнаны» артыыстаан дуоһуйа ааҕан көрөөччүлэр куттарын тутта, 90 саастаах артыыска кэрэхсэбили ылла.

«Тааһаҕарбыт сайда, кэскилэ кэҥии турдун!” диэн тылларынан уруйдаан дьоһун күммүт түмүктэннэ.