Муус устар 27 кунугэр Саха сирэ биир сүрүн государственнай бырааЬынньыгын — Республика күнүн бэлиэтиир.
Өрөгөй Саха Улуу Омуга! Бу күн, сиэрдээх-туомнаах, туспа култууралаах, сомоҕо Иллээх диэн биллэрэр дьоһуннаах өрөгөйдөөх туһааннаах күммүт буолар.Биһиги омукпут — улуу омук. Субуллар мындыр өйдөөх, үтүө көнө майгылаах, үүнэр-сайдар кэскиллээх. Сарсыҥҥы үөрүүлээх күн — Мин күнүм, Эн күнүҥ, САХА күнэ. Уруй! Айхал!
1922 сыллаахха муус устар 22 күнүгэр — Саха Автономнай Советскай Социалистическай республиката төрүттэммитэ уонна сурукка докумуоңңа киирбитэ. 70 сыл ааспытын кэнниттэн, 1990 с. суверенитет туһунан декларацияны ыламмыт, сувереннай республикабыт хаттаан саңа Конституцияламмыта. Онон муус устар 27 күнэ –Саха Республикатын күнэ.
Уруй буоллун барыгытар Саха Республикатын күнүнэн!Саха сирэ автономнай республика буоларыгар улахан акылааты уурбуттара Саха сирин чулуу уолаттара, үөрэхтээхтэрэ Республика бастакы «посола» — Бастайааннай бэрэстэбиитэлэ Максим Кирович Аммосов, Саха АССР правительствотын — Совнарком бастакы председателэ, суруйааччы — Платон Ойуунускай уонна Исидор Барахов. Биһиги киэн туттабыт Бүлүү чулуу уолаттарынан Степан Аржаковынан, Степан Гоголевынан, биир дойдулаахпытынан нэһилиэкпит биир бэлиэ суолталаах история биир кэрчигэр – саҥа былааһы туруулаһан охсуспут революционер, төлөннөөх бассабыык Павел Харлампьевынан. Уруй – туску саха чулуу уолаттарыгар!
Бу үөрүүлээх күн нэһилиэк олохтоохторо, ыччаттара мустан РФ уонна СР үтүөлээх юриһа, юстиция 3 кылаастаах судаарыстыбаннай сүбэһитэ Николай Нифонтович Каратаев бүүһүгэр сибэкки дьөрбөтүн уурдулар уонна бэлиэ күнү “Туругур Сахам Сирэ” миитининэн, сомоҕо оһуохайынан бэлиэтээтилэр. Умсулҕаннаах оһуохайы олохтоотулар Саха Республикатын Ил Дарханын олоцхо толоруутугар истипиэндьийээтэ, Саха Республикатын культуратын уонна үөрэхтээһинин туйгуна Григорьева Маргарита Егоровна, киэн туттар ыччаппыт Шамаев Михаил Николаевич,эдэр кэскиллээх этээччи Николай Воловик.
Сахабыт сирин дьылҕата хас биирдиибититтэн тутулуктааҕын өйдөөн туран, дириң билиилээх, аныгылыы өйдөөх-санаалаах саңа саҕахтарга дьулуhардыы үөрэниэҕиң, сайдыаҕың! Чөл өйдөөх-санаалаах, чэгиэн эттээх-сииннээх, сатабыллаах уонна дьоллоох буолуҥ. Сахабыт сирэ чэчирии сайдарын туһугар бары биир санаанан сомоҕо буолуоҕун.
