Аан дойдутааҕы төрөөбүт тыл күнүгэр аналлаах “МОЙ РОДНОЙ ЯЗЫК” Өрөспүүбүлүкэтээҕи төрөөбүт тылынан ааҕааччылар күрэхтэригэр “Эгэлгэчээн” драматическай куруһуок салайааччы Шамаев М.Н., “Чоргуй” чабырҕахсыттар ансаамбыллара салайааччы Алексеева Г.П. кыттыыны ыллылар.

“Эгэлгэчээн” драматическай куруһуок салайааччы Шамаев М.Н. олохтоох автордар  Прокопьев Кирилл Григорьевич «Биэс бырааттыы Каратаевтарга»; Васильев Николай Николаевич «Григорьев Нифонт Петровичка»; Терентьев Андрей Григорьевич «Буойун Сэмэҥҥэ»; Григорьева Наталья Дмитриевна — Аалыйа «Сэрии ветерана Иванов Николай Дмитриевичка»; Алексеева Гульнара Павловна «Иванов Михаил Николаевич» хоһоонноругар олоҕуран  «Төрөөбүт дойдуга анаммыт олох» литературнай ааҕыыннан кыттан ГРАН-При үрдүк аатын ылла. Ааҕыыннан умсугуйар Эгэлгэчээн драматическай куруһуок уолаттарыгар, салайааччытыгар  Шамаев М.Н. улахан ситиһиилэринэн эҕэрдэбитин тиэрдэбит. Кыттыыны ылбыт “Чоргуй” чабырҕахсыт уолаттарбытыгар  салайааччыларыгар  Алексеева Г.П. ситиһиилэри ба5арабыт.

Төрөөбүт төрүт тылбыт

Ийэ мичээринии минньигэс,

Аҕа алгыһыныы амарах эбит.

Төрөөбүт төрүт тылбыт

Элиэнэ эҥээринии эриэккэс,

Алаас симэҕинии сиэдэрэй курдук.

Төрөөбүт төрүт тылбыт

Олоҥхо курдук алыбынан,

Тойук курдук кэрэтинэн

Умсугутар буолар эбит.