Сахабыт сиригэр Култуура сылын, Бүлүү улууһун култууратын эйгэтигэр Василий Осипович Каратаев 100 сааһыгар анаммыт сыллар чэрчилэринэн  ырыа – тойук, кɵр — күлүү, үҥкүү — битии дьоро киэһэтин Дьɵккɵн, Тааһаҕар, Хампа, Тыымпы, Бороҕон нэһилиэктэрин айар куттаах, талба талааннаах куултуура тэрилтэлэрин ʏлэһиттэрэ «Кэрэ эйгэ түһүлгэтэ» диэн киэҥ программалаах кэнсиэрт тэрийэн Дьɵккɵн, Тааһаҕар, Хампа, Тыымпы, Бороҕон нэһилиэктэрин уонна Бүлүү куоратын көрөөччүлэригэр бэлэхтээтибит.

Өбүгэбит тыыннаах үгэһин хаалларбакка, тɵрʏт дьарыкпытын сайыннаран, ырыабыт тойукпут салгыы сайдарыгар туруулаһан үлэлии – хамсыы, айа – тута сылдьар, ырыа — тойук аргыстаах, үҥкүү — битии үɵрүүлээх, дорҕоонноох оһуокай доҕуһуоллаах, эҥээркэй эһиэкэй сиэтиилээх Орто Бүлүү түɵлбэтин култууратын ʏлэһиттэригэр, биир идэлээхтэрбитигэр баҕарабыт, айар талааҥҥытын  сайыннаран, көрбүт эрэ кэрэхсиир үлэлэрин айа-тута сылдьыҥ, кэрэни үксэтиҥ, үйэлээҕи үрдэтиҥ! Уйгулаах быйаннаах олохтонуҥ, араҕас илгэни дэлэтиҥ, иитэр сʏɵһʏнʏ кʏрʏɵлээҥ, сыспай сиэллээҕи дэлэтиҥ, иннигит диэкки эрэллээхтик хардыылааҥ. Дьоллоох буолуҥ, саргылаах буолуҥ!