Быйыл Арассыыйыҕа сомоҕолоһуу уонна Саха Өрөспүүбүлүкэтигэр Култуура сылларын чэрчилэринэн “Кэрэ эйгэ түһүлгэтэ” диэн ырыа-тойук, көр-күлүү, үнкүү-битии дьоро киэһэтин бэлэхтии Герой дойдута, хомус уйата, элбэх түмсүү түһүлгэтэ Арыылаах нэһилиэгин култууратын үлэһиттэрэ, Улуу олоцхоьут дьоннордоох, уран хомус уустардаах, өҥ буордаах Бороҕон нэһилиэгин култууратын үлэһиттэрэ,тыйаатыр эйгэлээх, талба талааннаах Тааһаҕар нэһилиэгин култууратын үлэһиттэрэ,ырыа куттаах Тыымпы нэһилиэгин култууратын үлэһиттэрэ,тэбиилээх буордаах, хомус куттаах Дьөккөн нэһилиэгин култууратын үлэһиттэрэ айаҥҥа туруннулар.Олунньу, кулун тутар ыйдарга Орт-Бүлүү түөлбэтин олохтоохторугар кэтэһиилээх ыалдьыт буолан бэйэлэрин талба талааннарын көрдөрүөхтэрэ. Түмүктүүр тэрээһин муус устар 13 күнүгэр Бүлүү куоратыгар М.Н.Жирков аатынан култуура дыбарыаһыгар буолуоҕа. Талба талааннаах дьоммут-сэргэбит өбүгэ саҕаттан утумнаан илдьэ кэлбит сүппэт үйэлээх айымньылары илдьэ сылдьаргытыттан, үтүө үгэстэри салгыыр дьоммутунан киэн туттабыт. Айар талааҥҥытын сайыннаран, көрбүт эрэ кэрэхсиир үлэлэрин айа-тута сылдьыҥ, кэрэни үксэтиҥ, үйэлээҕи үрдэтиҥ!