“Биһиги күүспүт – сомоҕолоһууга” Кыһыл Сыыр бөһүөлэгин  “Вдохновенье” НАК уонна “Эйгэ” НАДь уус –уран самодеятельноһын кыттыылаахтарын кэнсиэрэ Сомоҕолоһуу күнүгэр ыытылынна.                                                 

Сэтинньи ый 4 кунугэр Россия Федерациятын үрдүнэн Норуоттар сомоҕоhууларын күнэ бэлиэтэнэр.Билэргит курдук, бу күн 1602 сыллаахха Кузьма Минин уонна Дмитрий Пожарскай диэн Россия историятыгар суду оруоллаах, биллиилээх ыччатара
бэйэлэрин тастарыгар биир дойдулаахтарын түмэн,Литва уонна Польша интервенннарын кыйдаан –кырган, Россия норуотун босхолоон, дойдуларыгар Эйэни олохтообуттара.Саха сиригэр 100 тэн тахса норуот олороро биллэр.Онтон биhиги сахабыт норуота, эбээннэр, эбэнкилэр,юкагирдар уонна чукчалар а5ыйах ахсааннаах норуот аатыгар киирэн, Россия Федерациятын кэрэхсибилигэр сылдьабыт уонна норуоттар икки ардыларыгар эйэлээхтик,биир сомо5о буолан олорорбут.

Сэтинньи 3 күнүгэр Тааһаҕар нэһилиэгэр, сэтинньи 4 күнүгэр Кыһыл Сыыр бөһүөлэгэр “Биһиги күүспүт – сомоҕолоһууга” кэнсиэргэ көрөөччүлэр араас омук үҥкүүтүн, ырыатын сэргии иһиттилэр көрдүлэр. Сахабыт ырыатын-тойугун тарҕатааччы норуот айымньытын дьиэтин үлэһиттэригэр, уус-уран куруһуок кыттыылаахтарыгар, ансаамбылларга  олоҥхо тылынан кэпсэтэн араас  омуктуун сэлэһэн,кинилэрдиин атах тэпсэн кылыһахтаан ылласпыттарыгар, тойук туойан, хомус охсон,үҥкүүлээн дайбыттарыгар махталбытын тиэрдэбит.

Дьолго, сырдыкка Ньургун Боотурдуу дьулуһуу,

Дуулаҕа нуучча норуотунуун доҕордоһуу,

Туппут, туругурпут олоҕун уруйдуу

Туой-ыллаа, дьикти кэрэ,

Дьоллоох Сахам сирэ!

Бары биир сомоҕо буолан иллээхтик-эйэлээхтик иннибит диэки эрэллээхтик эрдинэн иһиэххэйин диэн барыгытын ынырабыт.Үтүө санаа, кэрэ уонна сырдык биһиги олохпутугар үгүс буоллун.

«Эйгэ» НАДь

«Вдохновение» НАК