Ийэҕэ бу сиргэ
Кэрэттэн кэрэтэ,
Сүрэҕин сорҕото
Төрөппүт оҕото.

Ийэ баар бу сиргэ —
Аан дойду аанньала.
Ананнын киниэхэ
Барыбыт махтала.

Күн Күбэй Ийэ күнүгэр аналлаах  “Ийэ сырдык мичээрэ” интириэһинэй түһүмэхтэрдээх тематическай кэнсиэрт Республикабыт Ийэлэрин күнүгэр ананан ыытылынна.Биэчэри саҥа тэриллибит “Күлүмчээн” үҥкүү ансаамбылын кыттыылаахтара истиҥ иэйиилээх көрдөрүүннэн арыйдылар. “Мин Ийэбин таптыыбын” куйаар ситиминэн эҕэрдэлэр,ыйытыктар, маассабай оонньуулар ыытылыннылар. Салгыы “Чоргуй”, “Сайдам”, “Күлүмчээн”, “Уолан”, “Күндүл”, “Сайдыына” ансаамбыллар, “Эгэлгэ” норуот театрын артыыстара, ырыаһыттар Анжулия Яковлева, Василий Петров,Ульяна Григорьева, Геннадий Осипов биэчэри Ийэҕэ анаммыт нүөмэрдэринэн киэргэттилэр.Күндү көрөөччүлэрбитигэр үөрүүлээх түгэн тостойон ким минньигэс торт, профитроли, бырааһынньыктааҕы бириис туттулар. Күн Күбэй Ийэлэрбитигэр тапталы, ытыктабылы анаан туран дьиэҕит оҕо күлүүтүнэн толору буоллун, кытаанах доруобуйаны, уһун дьоллоох олоҕу баҕарабыт.