Кулун тутар 14 күнүгэр Кыһыл-Сыыр бөһүөлэгэр “Вдохновения” норуот айымньытын киинигэр “Лейся песня” оҕолорго аналлаах улуустааҕы ырыа конкурса ыытылынна. Осипова Христина Ивановна салайар “Сайдам” вокальнай ансамбль уонна биирдиилээн толорооччулар Кира Куланова, Диана Веревкина кыттыыны ыллылар. Диана Веревкина “Ньургуһуннар”, “Сахам Сирэ” ырыалары толорон Лауреат 1 истиэпэнэ, Кира Куланова “Угуйар сулустар”, “Дьиэрэй” ырыалары толорон Лауреат 3 истиэпэнэ, “Сайдам” вокальнай ансаамбыл “Хомуһум”, “Мин дойдум” ырыалары толорон Лауреат 3 истиэпэнэ дипломнарынан кубогынан наҕараадаланнылар. Улуустааҕы күрэххэ ситиһиилээхтик кыттыбыт, ырыаны ымыы оҥостубут кыттааччыларбытын, салайааччыларын Христина Ивановнаны эҕэрдэлиибит.