Кулун тутар 27 күнүгэр ырыа куттаах Бастакы Тоҕус нэһилиэгэр И.А. Боронов аатынан «Ырыа түһүлгэтэ» культура киинигэр Семен Алексеев аатын үйэтитэр «Дэгэрэҥ дьиэрэй» аһаҕас дэгэрэн ырыа күөн күрэһин дьоро түһүлгэтигэр «Дуоҕа» ансаамбыл ырыаһыттара Геннадий Осипов, Степан Павлов кыттыыны ыллылар. Ырыа-сылаас тыынынан кэрэни саҕар, чөл олоҕу олуктуур, ырыа кэрэ күүһүнэн ыччаты иитэр, өйү-санааны сааһылыыр, кэрэни кэрэхсиир, төрөөбүт дойдуга тапталы иҥэрэр, дьону түмэр айылгылаах. Ыллам ырыа аргыстаах Осипов Геннадий Александрович «Чуор куолас» анал аат, Семен Алексеев дьиэ кэргэнин анал бирииһин ылбыт, дьиэрэйэр куоластаах Павлов Степан Павлович «Ырыа Дуолан» анал аат уонна сертификатынан наҕараадаламмыт. Уолаттарбытыгар өссө да үрдүктэн-үрдүк ситиһиилэри баҕарабыт, кыайыы кыната арыаллыы турдун.