Сэтинньи 8 күнүгэр В. О. Каратаев аатынан Олоҥхо Дьиэтигэр Алгысчыт, олоҥхоһут, олоҥхо толорооччу, хомусчут, тойуксут, норуот талааннааҕа Саха Өрөспүүбүлүкэтин социальнай харалтатын туйгуна, Саха сирин үтүөлээх этээччитэ, Үгүлээт нэһилиэгин бочуоттаах олохтооҕо КАРОЛИНА ПЕТРОВНА ХАРЛАМПЬЕВА 65 сааһыгар аналлаах «Дорҕоонноох оһуохай добун түһүлгэтэ» үбүлүөйдээх дьоро күнүн чэрчитинэн оҕолор ортолоругар III өрөспүүбүлүкэтээҕи «Оһуокайдаан ойуоҕуҥ, эһиэкэйдээн тэйиэҕиҥ!» күрэх улуустааҕы сүүмэрдиир түһүмэҕэ ыытылынна.
Дьүүллүүр Сүбэҕэ В.О. Каратаев аатынан олоҥхоһуттар уонна тойуксуттар норуодунай кэлэктииптэрин салайааччыта С.Т. Иванова, Саха сирин үтүөлээх этээччитэ Г.П. Харлампьев, уонна Н.Ю. Корякина үлэлээтилэр.

Тааһаҕардааҕы «Эйгэ” норуот айымньытын дьиэтин  “Чоргуй” бөлөҕө  (сал. Г.П. Алексеева)  оһуохай тыла этэр уолаттары кытыннарда. Күрэххэ барыта 23 үҥкүү тылын этээччи оҕолор кытыннылар. Бастакы бөлөххө 7-12 саастаахтарга кыайыылаахтар: Аделина Корякина 3-с Үктэл (Чинэкэ), Селена Сава 2-с Үктэл (Чинэкэ), Радик Мухаматсафин 1–кы Үктэл (Тааһаҕар), Айыллаан Евсеев (3-с Үрдэл (Хампа), Касьян Болтунов 2-с,Үрдэл (Тааһаҕар), Георгианна Афанасьева 1-кы Үрдэл (Халбаакы).
Иккис бөлөххө 13 -17 саастаахтарга кыайыылаахтар: Анатолий Томскай 3-с Үктэл (Халбаакы), Амелия Николаева 2 –с Үктэл (Чинэкэ), Сайаана Терентьева 1-кы Үктэл (Халбаакы), Клавдия Гаврильева 3-с Үрдэл (Халбаакы), Николай Воловик 2-с Үрдэл (Тааһаҕар), Николина Харлампьева 1-кы Үрдэл (Чинэкэ).
Саамай кыра кыттааччылар — Аленушка» уһуйаантан 5 саастаах Дайаана Кирикова, 6 саастаах Никита Томскай (сал. Л.М. Софронеева). Күрэх Кылаан кыайыылааҕынан Хампаттан Н.Дьяконова ааттанна!

Бастакытын оһуохай этиитигэр холоммут Радик Мухаматсафин 1 үктэли ылбытынан эҕэрдэлиибит. III өрөспүүбүлүкэтээҕи «Оһуокайдаан ойуоҕуҥ, эһиэкэйдээн тэйиэҕиҥ!»  күрэххэ кыттар путевка ылбыт Николай Воловикка, Касьян Болтуновка ситиһиилэри баҕарабыт.
“Чоргуй” ансаамбыл уолаттарын, салайааччыларын Гульнара Павловнаны  дьоһуннаах ситиһиилэринэн эҕэрдэлиибит.