Ытыктабыллаах нэһилиэкпит олохтоохторо, ыччаттар!
Аан Дойду бүттүүнэ, киһи аймах барыта Улуу Кыайыы 80 сылын долгутуулаахтык уонна үөрүүлээхтик көрсөр.
Саха сирин саллаат уолаттара А5а дойдуну көмүскүүр Улуу сэрии сылларыгар фронна арҕаа тиийэн, тииһигэр тиийэ сэбилэммит өстөөҕү утары, сомоҕо күүс сорҕото буолан, сүүһүнэн бырааттыы норуоттар чулуу дьону кытары бииргэ охсуспуттара. Биһиги биир дойдулаахтарбыт халабырдьыт фашистары кытта хорсуннук сэриилэспиттэрэ, бэргэн ытааччы быһыытынан биллибиттэрэ. Аҥаардарыттан ордуга уоттаах сэрии хонуутугар букатыннаахтык хаалбыта. Тыылга хаалбыт кырдьаҕастар, оҕолор, ийэлэр бэриниилээх, сыралаах үлэлэринэн Улуу Кыайыыны уһансыбыттара. Төрөөбүт дойдуларыгар төннөн кэлбит саллааттар оччотооҕу кэм уустуктарын аахсыбакка, эйэлээх олоҕу тутуспуттара.
Күн дьыл уу сүүрүгүнүү устан аастар-ааһан иһэр. Этэҥҥэ эргиллибит буойуннарбыт, көҥүлбүтүн көмүскээбит дьоммутун ахтан санаан Бүтүн Арассыыйа үрдүнэн ыытыллар “Бу дьиэҕэ Аҕа дойду сэриитин ветерана олорбута” диэн акция ыыта муһуннубут.
1.Аҕа дойду сэриитин ветерана Прокопьев Егор Михайлович бала5ан ыйын 4 кунугэр 1941 сыллаахха сэриигэ ыҥырыллан барбыта.Араанньы буолан 1943 сыллаахха “А5а дойду сэриитин” 1 степеннээх орденнаах дойдутугар кэлбитэ. Колхозка көрдөрүүлээх үлэтэ “Улэ Кыһыл Знамята” орденынан сыаналаммыта. “Германияны Кыайыы иһин” “А5а дойду сэриитин кэмигэр килбиэннээх үлэтин иһин”мэдээллэринэн наҕараадаламмыта.
2.Харлампьев Михаил Андреевич Бэс ыйын 6 кунугэр 1943 сыллаахха ыцырыллан барбыта.76 Владимирскай полк бастакы батальонун 2с стрелковай ротатыгар сулуусбалаабыта.1046 сыллаахха Верховнай кылаабынай командующей Иосиф Сталинтан Махтал суруктаах эргиллэн кэлбитэ,Японияны утары сэрии кыттыылаа5а. “А5а дойду сэриитин” 1 степеннээх орденынан “А5а дойду сэриитин кэмигэр килбиэннээх улэтин иһин” мэдээллэринэн на5араадаламмыта.
3.Осипов Николай Иннокентьевич от ыйын 10 күнүгэр 1945 сыллаахха ыҥырыллан барбыта. 6-с Мотострелковай дивизия 39с сибирскай полкаҕа сулууспалаабыта,1951 сыллаахха эргиллэн кэлбитэ. “Японияны кыайыы иһин” “Аҕа дойду сэриитин кэмигэр килбиэннээх улэтин иһин” мэдээлинэн наҕараадаламмыта.
4.Ефремов Кирилл Петрович, 1943 сыллаахха ыцырыллан барбыта 1945 сыллаахха дылы 6с коннай депо5а сулуусбалаабыта. “Германияны Кыайыы иһин” мэдээлинэн на5араадаламмыта.
5.Каратаев Иван Алексеевич бэс ыйын 27 күнүгэр 1942 с сыллаахха сэриигэ ыҥырыллыбыта, Ворошилов аатынан колхозтан барбыта, сэрииттэн бааhыран төннүбүтэ.
6.Иванов Михаил Николаевич,бэс ыйын 13 күнүгэр 1943 сыллаахха сэриигэ ыҥырыллан барбыта, 1947 сыллаахха дойдутугар эргиллэн кэлбитэ.Япония сэриитин кыттыылаа5а, “Японияны кыайыы иһин” мэдээлинэн, элбэх үбүлүөйнэй мэдээллэринэн на5араадаламмыта.
7.Григорьев Нифон Петрович, Бэс ыйын 12 кунугэр 1942 сыллаахха сэриигэ ыцырыллан барбыта.Сталинград аннынааҕы киирсиигэ араанньы буолан “А5а дойду сэриитин” 1 степеннээх орденнаах 1943 сыллаахха дойдутугар эргиллэн кэлбитэ.
8.Потапов Семен Владимирович бэс ыйын 27 күнүгэр 1942 с Ворошилов аатынан колхозтан барбыта, 3-с степеннээх Слава, 1степеннээх Отечественная война орденнардаах, «За победу над Германией» мэдээллээх эргиллэн кэлбитэ. Бүтүн Арассыыйа үрдүнэн ыытыллар “Бу дьиэҕэ Аҕа дойду сэриитин ветерана олорбута” диэн акцияҕа кыттыһан Сэрии ветерана Потапов Семен Владимирович дьиэтигэр муһуннубут.
9.Докторов Алексей Афанасьевичбэс ыйын 29 кунугэр1942 сыллаахха ыцырыллан барбыта Сталинград туьаайытынан сэриилэьэ сылдьан ата5ар бааьырбыта, Маай ыйга 1944 сыллаахха сэрии толоонуттан “А5а дойду сэриитин” 1 степеннээх уонна “Албан Аат” 3 степеннээх орденнардаах эргиллэн кэлбитэ.
10..Каратаев Софрон Николаевич 1941 сыллаахха сэриигэ ыцырыллан барбыта Курскай хайысхатыгар сэриилэспитэ.Араанньы буолан 1942 сыллаахха “Аҕа дойду сэриитин” 1 степеннээх уонна “Албан Аат” 3 степеннээх орденнардаах эргиллэн кэлбитэ.
Бүтүн Арассыыйа үрдүнэн ыытыллар “Бу дьиэҕэ Аҕа дойду сэриитин ветерана олорбута” диэн акция “Эйгэ” норуот айымньытын дьиэтин үлэһиттэрин көҕүлээһининэн тэриллэн 10 сэрии ветераннарын олорбут дьиэлэригэр өйдөбүнньүк бэлиэ ыйанна. Нэһилиэк баһылыга Каратаев Семен Самуилович, түөлбэ салайааччылара,депутаттар,сэрии ветераннарын оҕолоро, аймахтара ветераннары ахтан санаан, махтанан тыл эттилэр. “Чоргуй” фольклорнай бөлөх уолаттара уонна культура үлэһиттэрэ Тааһаҕар нэһилиэгин олохтоохторо сэрии ветераннарыгар анаабыт анабыл хоһооннорун аахтылар.
Биһиги бэйэлэрин олохторунан, хорсун быһыыларынан кыайыыны аҕалбыт аҕа көлүөнэбитигэр сүгүрүйэбит. Кинилэр холобурдарыгар биһиги Ийэ дойдуга, төрөөбүт сиргэ уҕараабат тапталы, бэриниилээх буолууну көрөбүт.Улуу Кыайыы 80 сылынан уруй-айхал этэбит!
