Бүгүн, балаҕан ыйын 27 күнүгэр, Саха Өрөспүүбүлүкэтин СудаарыстыбаннаҺын күнүнэн «Эйгэ» норуот айымньытын Дьиэтигэр Түмэл хоҺугар специалист Осипова Христина Ивановна ТааҺаҕар нэҺилиэгин түөрт Чулуу дьоннорун туҺунан кэпсээтэ. Бибилэтиэкэҕэ бибилэтиэкэр Веревкина Мария Александровна Судаарыстыбаннас күнүн историятын кэпсээтэ, Саха сирин туҺунан кинигэлэри быыстапкалаата.Н.Н.Каратаев аатынан ТааҺаҕар орто оскуолатын бэҺис уонна алтыс кылаас оҕолоро икки хамаандаҕа арахсан «Уруйдан Сахам сирэ» төрөөбүт дойдуларын билиигэ, үөрэтиигэ тургутук аастылар, нэҺилиэкпит хомоҕой хоҺоонньуттарын ТааҺаҕар туҺунан хоҺооннорун аахтылар. Үлэ бэтэрээнэ, ТааҺаҕар нэҺилиэгэр социальнай кылаатын иҺин бэлиэ хаҺаайына, нэҺилиэкпит гербэтин эскизтээбит Анатолий Николаевич Иванов ТааҺаҕар гербэтин суолтатын кэпсээнин болҕойон иҺиттилэр. Оҕолор саха буоларбытынан, ТааҺаҕар Чулуу дьоннорунан киэн тутуннулар.