Олоҥхо декататын чэрчитинэн, Юнеско олоҥхону Аан дойду норуоттарын тылынан уус-уран бастыҥ айымньыларын ахсааныгар киллэрбитэ 20 сылынан Бүлүүтээҕи поселениелар икки ардыларынааҕы кииннэммит библиотечнай система Тааһаҕардааҕы филиалыгар (библиотекарь М.А.Веревкина) олоҥхолуур оҕолорбут “Сардаҥа”, “Чуораанчык”, “Үрүмэччи” бөлөхтөрө “Олоҥхо дойдутугар айан” аралдьытар оонньууга олоҥхо үс дойдутунан күрэхтэстилэр.

Оҕолор умсугутуулаах күрэххэ “Аал Луук мас”, “Олоҥхоһуттар”, “Алгысчыттар” хамаандаҕа арахсаннар 7 түһүмэхтээх оонньууга оонньоотулар, олоҥхо бухатыырыныы күөн көрүстүлэр, билиилэрин хаҥаттылар.

Күрэх түмүгүнэн – «Олоҥхоһуттар” хамаандалара кыайыы көтөллөннө.

Сайдыы аартыгар сөптөөх хайысханы тутуһан, салгыы төрөөбүт тылбыт, олоҥхобут, итэҕэлбит, төрүт үгэстэрбит туһугар сиэрдээхтик, санааҕытын холбоон бары үлэлии тураргытыгар баҕарабыт!