Саха сиригэр сыл ахсын муус устар маҥнайгы субботатыгар булчут күнэ бэлиэтэнэр.Биһиги нэһилиэкпитигэр Тыа сирин Үлэһит дьонун сылын чэрчитинэн “Саха булт” үп- агропробырамыысыланнай концерн булчута, Орто Бүлүү совхоз Тааһаҕардааҕы отделениетын туруу үлэһитэ, кадровай булчут Потапов Василий Семенович аатыгар «Байанайдаах булчут” булчуттар күрэхтэрэ ыыттыбыт. Василий Семенович «Орто-Булуу» совхоз Тааһаҕардааҕы отделениетыгар кадровай булчута, сылгыһыта этэ. Совхоз түүлээххэ былаанын толорууга сүҥкэн кылаатын иһин элбэхтик бэлиэтэммитэ.Сорсуннаах булчуттартан биирдэстэринэн оройуоҥҥа биллэрэ.Баай хара тыа күндү түүлээҕин сонордоон төһөлөөх киэҥ аар тайҕаны сыыйбыта буолуоҕай. Сыа хаар үрдүнэн ханнык күндү түүлээх хаһан үөмэр-чүөмэр үктэнэн ааспытын эндэппэккэ билэрэ. Кини ииппит хапкааннара,туһахтара Байанайтан бэлэхтээх көрсөллөр.Нэһилиэк үгүс күөллэригэр андаатардаан сылын аайы хас эмэ сүүһүнэн андаатары бултаан государствоҕа туттарара. Кини уһун сыллаах, үрдүк көрдөрүүлээх үлэтин Саха Республикатын тыатын хаһаайыстыбатын министерстватын министрэ Иван Иванович Слепцов, «Сахабулт» үп- агропробырамыысыланнай концерн генеральнай директора Никифор Николаевич Петров Бочуотунай грамоталара туоһулууллар.Байанайдаах булчуту булт бэйэтэ эккирэтэр курдуга. Барар сиригэр маанылыыллара, кэлэр сиригэр кэтиилииллэрэ.
“Байанайдаах булчут” күрэххэ кыттыыны ыллылар Осипов Павел Васильевич, Иванов Алковиад Алковиадович, Харлампьев Кирил Александрович,Куланов Святослав
Булчуттар 8 түһүмэххэ илин кэлин түсүһэн булка сатабылларын, дьоҕурдарын, эт хаан өттүнэн эрчиллиилээхтэрин көрдөрдүлэр.Киирсиилээх түһүмэхтэр түмүктэринэн:
Бастакы миэстэ Иванов Алковиад Алковиадович
Иккис миэстэ Харлампьев Кирил Александрович
Үһүс миэстэ Куланов Святослав Никитич
Биһирэбил бириис Осипов Павел Васильевичка тигистэ.
Биэчэри Далбарай ырыа ансаамбыла, ырыаһыт кыргыттар ситэрэн киэргэтэн биэрдилэр.
Тааһаҕар нэһилиэгэрТыа сирин Үлэһит дьонун сылын чэрчитинэн “Саха булт” үп- агропробырамыысыланнай концерн булчута, Орто Бүлүү совхоз Тааһаҕардааҕы отделениетын туруу үлэһитэ, кадровай булчут Потапов Василий Семенович аатыгар “Байанайдаах булчут” диэн күрэххэ спонсардаабыт Василий Семенович оҕолоругар Василина Васильевна, Евгений Васильевич дьиэ кэргэттэригэр махталбытын тиэрдэбит.
Күрэх кыттыылаахтара хас да үйэни уҥуордаан кэлбит булчут өбүгэлэрбит үтүө үгэстэригэр сүгүрүйүүнү, айылҕаҕа харыстабыллаах сыһыаны көрдөрдүлэр. Булчут уолаттарбытыгар кытаанах доруобуйаны уонна дьолу-соргуну баҕарабын. Байанай үтүө хараҕынан көрдүн, эгэлгэ баайыттан күндүлээтин диэн алгыс тылбытын аныыбыт.
