Олунньу 23 күнэ – биһиэхэ эр киһи үрдүк аналын, төрөөбүт дойдуга тапталын, көмүскүүргэ бэлэмин, норуотун уонна чугас дьонун туһугар эппиэтинэһин, дойдуга бэриниилээх буолуутун уонна эр санаатын бэлиэтэ буолар. Биһиги араас кэмҥэ дойдуларын көмүскээбит дьоммутун умнубаппыт уонна кинилэр сырдык кэриэстэригэр сүгүрүйэбит.,Аҕа дойду Улуу сэриитин бэтэрээннэригэр, байыаннай сулууспалаахтарга уонна билигин анал байыаннай эпэрээссийэҕэ сылдьар уолаттарбытыгар махтанабыт!,Аҕа дойдуну көмүскээччи бырааһынньыга Эйгэ НАДь  Россияҕа Аҕа дойдуну көмүскээччи, Саха сиригэр Ийэ дойдуну көмүскээччи сылларынан уонна Аҕа дойду көмүскээччи күнүнэн нэһилиэк баһылыга Каратаев С.С.эҕэрдэтинэн саҕаланна.,Аҕа дойдуларыгар ытык иэстэрин төлүү, армияҕа сулууспалыы бараары сылдьар выпускник уолаттарбыт уонна күүстээх-уохтаах, хорсун-хоодуот росгвардия кылааһын уолаттара  эгил –тэгил эрийсэ, бүгүҥҥү үөрүүлээх түгэҥҥэ “Уол Хоһуун” диэн күрэххэ куоталастылар.Уолаттар 7 түһүмэххэ эгил-тэгил түһэн сымсаларын, булугас өйдөрүн, күүстэрин-кыахтарын көрдөрдүлэр.,Күрэх түмүгүнэн Уол Хоһуун ааты Харысхан Андреев ылан кыайыылаах таҕыста.Кыттыбыт уолаттар бары анал аат ыллылар.,Владимир Герасимов – Эрчим Хоһуун,Олег Борисов – Хорсун Хоһуун,Айтал Прокопьев – Бэргэн Хоһуун,Ярослав Иванов – Сымса Хоһуун,“Кыайыыны хоһуйар уолаттар” диэн нэһилиэк талааннаах уол оҕолорун өрө күүрүүлээх эҕэрдэ кэнсиэрэ Аҕа дойдуну көмүскээччилэрбитигэр ананна.,Анал байыаннай эпэрээссийэҕэ сылдьар уолаттарбыт, Эһиги төрөөбүт дойдуга ытык иэһи толоруу холобура буолаҕыт! Модун санаа, хорсун быһыы уонна дойдуга бэриниилээх буолуу. Аҕа дойдуну көмүскээччигэ чэгиэн туругу, ситиһиилэри, иллээх дьиэ кэргэни, эйэлээх халлааны уонна кыайыыны баҕарабыт!