“Эйгэ” норуот айымньытын дьиэтэ 104-с айар кэм түһүлгэтин  арыйда. Культура дьиэтэ көрөөччүлэргэ анаан  Өрөспүүбүлүкэбит судаарыстыбаннаһын күнүнэн “Мин дойдум-Сахам сирэ” кинигэ олохтоох библиотека кинигэтин быыстапката. Саха Өрөспүүбүлүкэтигэр Культура сылыгар аналлаах “Хаартыскаҕа хатаммыт кэрэ эйгэ” культура ветерана Каратаев Егор Афанасьевич хаартысканнан быыстапката турдулар.Егор Афанасьевиһы быыстапката арыллыбытынан,үбүлүөйдээх сааһынан “Эйгэ” норуот айымньытын директора Петрова К.В., профсоюз председателя Алексеева Г.П. эҕэрдэлээтилэр.Көрөөччүлэр араас сылларга бэйэлэрин, дьоннорун кэрэ эйгэҕэ кыттыспыт  мөссүөннэрин хаартыскаҕа хатаммытын көрөн астына үөрдүлэр.

Салгыы “Эгэлгэ” кэр-күлүү норуот театра, “Күбэйэ” эбээлэр түмсүүлэрэ, “Чуораанчык” фольклорнай бөлөх,”Күбэйэ Хотун” этно-фольклоргай бөлөх, “Дуоҕа” эр дьон ансаамбыла, “Чоргуй” чабырҕах ансаамбыла, “Гармония” ырыа ансаамбыла, “Күндүл”, “Күлүмчээн” үҥкүү ансаамбыллара, “Эйгэ” ансаамбыл кыттыылаах “Айар дьол” диэн сонун 104-с айар кэм түһүлгэтин арыйыылара дохсун ытыс тыаһынан арыалланна.

 “Эйгэҕэ” оҕоттон саҕалаан ытык саастаахтарга тиийэ бэйэлэригэр туһааннаах хайысханы буланнар ыллыыллар-туойаллар, чабырҕахтыыллар-олоҥхолууллар, үҥкүүлүүллэр, артыыстыыллар, үйэтититии үлэтигэр кытталлар. Кэлэктиип исписэлиистэрэ, үлэһиттэрэ  хас биирдиилэрэ уопсай үлэ туһугар тиритэ-хорута, астына- дуоһуйа үлэлииллэр, хамсыыллар. Аны хас биирдиилэрэ бу мин саҕалаабытым, толкуйдаабытым диирдээхтэрэ кэрэхсэбиллээх. Айар аартыктара салгыы аһаҕас буоллун, толкуйдаммыт олоххо киирэ, былааннаммыт көрөөччүгэ тиэриэрдиллэ турдун!