Бүлүү улууһун, Тааһаҕар нэһилиэгэр Оһуохай күнэ ыытылынна.

Күөх дуолу, тунаҕы айхаллыы,

Олоҕу, быйаҥы алгыы

Оһуохай күнүгэр муһуннубут

Сүргэбит көтөҕүлүннэ,

Санаабыт саймаарыйда.

Саха Өрөспүүбүлүкэтин Ил Дархана Айсен Николаев 2023 сыл балаҕан ыйын 7 күнүгэр Оһуохай күнүн олохтуур туһунан Ыйаахха илии баттаата. Ыйаах

Арассыыйа норуоттарын култуураларын үйэлээх баайын эбийиэгин — саха төрүт үҥкүүтүн «Оһуохайы» харыстыыр уонна тарҕатар соруктаах. Бүгүн, ыам

ыйын 25 кунутэр Тааһаҕар нэһилиэгин Кыайыы болуоссатыгар Оһуохай кунэ ыытылынна.

Бу күн “Эйгэ» норуот айымньытын Дьиэтин иһинэн баар түмсүүлэр оһуохай тылын дьиэрэһитэ таһаардылар. Өбүгэлэрбит айан-чочуйан хаалларбыт сүдү айымньытын саҕалаата «Күбэйэ» түмсүү кыттыылааҕа Надежда Прокопьевна Тимофеева. Салҕыы оһуохай тылын тааһаардылар «Дугуйук» түмсүү салайааччыта, Мария Даниловна Васильева, «Сайдыына» түмсүү кыттыылааҕа, «Эйгэ» норуот айымньытын Дьиэтин   специалиһа Христина Ивановна Осипова. Ону таһынан «Сардаҥа» уонна «Чоргуй» фольклорнай бөлөх оҕолоро Суханов Айаал, Нахова Дайаана, Болтунов Касьян, Воловик Николай, Веревкина Диана, кыттыыны ыллылар, салайааччылар Алексеева Гульнара Павловна, Осипова Христина Ивановна «Эйгэ» норуот айымньытын Дьиэтин специалистара.

Урааҥхайдыыр сахалар,

Уруйдардыыр күммүтүгэр

Бары бииргэ сомоҕолоһон,

Эллэй эһэбит саҕаттан

Этиллибит эһиэкэйгэ

Этэн-тыынан биэриэҕин,

Омоҕой оҕонньор саҕаттан

Оонньоммут оһуохайга

Оонньоон-көрүлээн биэриэҕин!