Биһиэхэ бүгүн саха санаалаах барыта сүргэтэ көтөҕүллэр, санаата сырдыыр, самаан сайын салаллан кэлиитин туоһулуур Иэйиэхсит ыйыгар Тааһаҕарбыт сирин үүнэр-сайдар кэскилин туоһулуур дьиэ кэргэттэри, кэнчээри ыччаппытыгар үтүө холобур оҥорон  түһүлгэ төрүттээтибит. Российскай Федерацияҕа Дьиэ кэргэн сылыгар уонна Аан дойдутааҕы дьиэ кэргэн күнүгэр аналлаах “Дьиэ кэргэним эйгэтэ” конкурс ыытылынна

Айыыһыт Хотуну айхаллаан дьиэ кэргэн түһүлгэтигэр кыттыыны ыллылар.

1.Григорьева Ульяна Николаевна кыыһынаан Юлиялыын

2.Николаева Сардана Алексеевна кыыһынаан Санаайалыын

3.Андреева Мария Захаровна кыыһынаан Сахайааналыын

4.Николаева Ольга Ивановна кыыһынаан Юлиялыын

Биэс түһүмэхтээх конкурска кыттааччылар талба талааннарын, өркөн өйдөрүн, минньигэс астарын, мааны таҥастарын көрдөрөн илин кэлин түһүстүлэр.Конкурс түмүгүнэн Түһүлгэ түөлбэ олохтоохторо Андреевтар дьиэ кэргэн бастакы миэстэни ыллылар.Григорьевтар, Николаевтар, Николаевтар-Васильевтар дьиэ кэргэттэрэ анал аат хаһаайыттара буоллулар. Нэһилиэкпит түөлбэлэрин олохтоохторо ылбаҕай ырыаннан биэчэри кэргэттилэр.Бары кыттыбыт дьиэ кэргэттэрбитигэр

Удьуоргут ууһуу турдун

Ийэ куккут

Чэчирээн истин.

Өбүгэҕит үйэлээх

Үгэһэ мөлтөөбөтүн.

Айыы суола

Эһиги тускутугар

Арылла турдун диэн алгыс тылларбытын аныыбыт.