Олунньу ый 23 күнүгэр Тааһаҕар нэһилиэгэр «Эр киһи эрэллээх эркиммит, инники кэскилбит» диэн Аҕа дойдуну көмүскээччи күнүгэр аналлаах түөлбэлэринэн күрэх буолан ааста. Бастакы кыттааччыннан «Саһарҕа» түөлбэттэн Куланов Святослав, иккис «Алаһа» түөлбэттэн Осипов Геннадий, үһүс «Мичээр» түөлбэттэн Иванов Алковиад, төрдүс «Түһүлгэ» түөлбэ Андреев Андрев уонна бэһис кыттааччыннан «Түһүлгэ» түөлбэттэн Мухматсафин Радик буолла. Бастакыннан автомат ыһыытын күрэһэр Иванов Алковиад 26,30 сөкүүндэ көрдөрүүлээх кыайыылааҕынан таҕыста, иккис түһүмэххэ автомат маҕаһыыныгар ботуруоннары угаһыыҥҥа «Мичээр» түөлбэ олохтооҕо Иванов Алковиад 24 сөкүүндэ көрдөрүүлээх кыйыылаах аатын ылла.

Күрэх кыттыылаахтарын ылбаҕай ырыаһыттарбыт эҕэрдэллээбиттэрин кэннэ «Булугас өй» диэн түһүмэхтэрбит саҕаламмыттара бу түһүмэхтэрэ араас ребустар, азбука Морзе таайыыта уонна да атын күрэхтэргэ күөн көрсүбүттэрэ. Күрэх түмүгүнэн бочуоттаах үһүс миэстэни «Алаһа» түөлбэ олохтооҕо Осипов Геннадий ылла, иккис миэстэ «Саһарҕа» түөлбэ олохтооҕо Куланов Святослав буолла, күрэх муҥутуур кыайыылааҕынан чаалхай көрдөрүүлэри көрдөрбүт «Мичээр» түөлбэ олохтооҕо Иванов Алковиад буолла. Күрэх кыттыылаахтарын, нэһилиэкпит эр дьоннорун ааспыт Аҕа дойду көмүскээччилэрин күнүнэн ис сүрэхпититтэн эҕэрдэлиибит.

Толору күрэх видеотын анал ссылканнан киирэн көрүөххүтүн сөп: https://vk.com/video-212592393_456239122