Бүгүн «Эйгэ» норуот айымньытын Дьиэтин иһигэр Саха Автоновнай Советскай Социалистическай Республиката төрүттэммитэ 100 сылын үөрүүлээхтик көрүстүбүт. Бүгүн муус устар 27 күнэ биһигини ааспыт үйэ суурбэһис сылларыгар тиэрдэр, оччотооҕу Саха сирин эдэркээн салайааччыларын дьүккүөрдээх туруорсууларынан Бүтүн Россиятааҕы Киин ситэриилээх комитет 1922 сыл муус устар 27 кунугэр Дьокуускай куоракка административнай кииннээн РСФСР федеративнай сорҕотун быһыытынан Саха Автономнай Советскай Социалистическай Республикатын тэрийэр туһунан Декрети ылыммыта. Бу күнү уруйдуу, Тааһаҕар нэһилиэгэр үөскээн төрөөн ааспыт чулуу дьоммутун айхаллыы нэһилиэк олохтоохторо, Тааһаҕар нэһилиэгин муниципальнай тэрилтэлэрэ бары муһуннубут. Тэрээһин үөрүүлээх чааһын иннинэ нэһилиэкпит 4 чулуу дьоммутугар анаммыт выстовкалар турдулар ону кытары «Күбэйэ» эбээлэр түмсүүлэрэ, нэһилиэк тэрилтэлэрин уруһуйдарынан оҥоһуллубут паннолара ыйаннылар.
Тэрээһин үөрүүлээх чааһыгар бастакыннан Тааһаҕар нэһилиэгин аҕа баһылыга Саха Автоновнай Советскай Социалистическай Республиката тэриллибитэ 100 сылынан эҕэрдэлээтэ, салҕыы эҕэрдэ тылы Тааһаҕар нэһилиэгин Советын депутата Григорьев Георгий Валерьевич эттэ, эҕэрдэ тыллары түмүктүүргэ Тааһаҕар нэһилиэгин ветераннарын сэбиэтин председателигэр Григорьева Наталья Дмитриевнаҕа тыл бэрилиннэ. Эҕэрдэ тыллар этиллибиттэрин кэннэ Саха АССР 100 сылынан «Эн, мин дойдубут — Саха сирэ» — театрализованнай дьүҺүйүү саҕаланна.
Бастакыннан «Түмэн» хамаанда бэйэлэрин Сэбиэскэй партийнай үлэҺиткэ, Бүлүү улууҺугар Сэбиэскэй былааҺы олохтоспут биллиилээх революционерга Харлампьев Павел Петровичка анаммыт театрализованнай дьүһүйүүлэрин көрдөрдүлэр.
Иккиһинэн «Мичээр» оҕо уһуйаанын коллектива Аҕа дойду сэриитин ветеранын, педагогическай үлэ ветеранын, РСФСР норуотун үөрэҕэриитин туйгунун Каратаев Игнатий Иванович туһунан театрализованнай дьүһүйүүлэрин көрдөрдүлэр.
Үсүһүнэн Н.Н.Каратаев аатынан Тааһаҕардааҕы орто оскуола коллектива биллиилээх государственнай деятель, юстиция 3 кылаастаах сүбэҺитэ Каратаев Николай Нифонтовичка анаммыт театрализованнай дьүһүйүүлэрин көрдөрдүлэр.
Төрдүһүнэн Тааһаҕардааҕы нэһилиэк Администрацията «Почта России», «ЯТЭК», холбоһуктаах хамаандата РФ уонна СР культуратын үтүөлээх үлэҺитэ, журналистикаҕа Ленинскэй бириэмийэ лауреата Яковлев Виктор Прокопьевичка анаммыт театрализованнай дьүһүйүүлэрин көрдөрдүлэр.
