Хаппыт талах умнастаах
Кэмпиэт суута сибэккилээх
Аалай кыһыл былаахтаах
Оҕо сааһым Күөх Маайа
Сиэрис былаат бааныылаах
Түөскэ кыһыл ленталаах
Араас өҥнөөх саарыктаах
Килбик кыысчаан Күөх Маайа!
Кулууп дьиэҕэ үҥкүүлээх
Кистэл сурук бэрсиилээх
Биэрэк устун хаамсыылаах
Эдэр сааһым Күөх Маайа!
Оҕо-уруу сиэтиилээх
Атыы-кутуу көрүүлээх
Оһуохайдыыр киэһэлээх
Орто сааһым Күөх Маайа!
Ааспыт кэми долгуйан
Ахтан, санаан ааһыылаах,
Аргыый үөһэ тыыныылаах
Дьоһун сааһым Күөх Маайа!
«Эдэр сааҺы эргитэн» үтүө санаа акция концерда
