Муус устар 5 күнүгэр Сахабыт сиригэр Үлэ сылыгар аналлаах «Норуот маастарын» күнэ, нэһилиэкпит олохтоохторо туора турбакка норуот масстарын күнүн ыллыбыт. Тэрээһиммитигэр «Күбэйэ» эбээлэр, «Күбэйэ Хотун» түмсүүлэрэ, муниципальнай тэрилтэлэр, нэһилиэк олохтоохторо кыттыыны ыллылар, үөрүүлээх чааска нэһилиэкпит иистэнньэҥнэрин, уустарын, уран тарбахтаахтарын чиэстээтибит. Саха Өрөспүүбүлүкэтигэр Үлэ сылыгар аналлаах Норуот маастарын күнүнэн сэлэлии хааман саха балаҕаҥҥа тиийэн бүгүҥҥү күн тэрээһинин маастар кылааһынан түмүктээтибит.

Маастар кылааһы ыыттылар: «Күбэйэ» эбээлэр түмсүүлэриттэн Иванова Людмила Егоровна, Тимофеева Надежда Прокопьевна кыбытык тигиигэ, Семенова Мария Иннокентьевна сиэлинэн оҥоһукка, Иванова Антонина Анатольевна оҕуруоннан киэргэлгэ.

Талба талааннаах нэһилиэкпит дьоно-сэргэтэ, кэнчээри ыччата айар талааҥҥытын сайыннаран, көрбүт эрэ кэрэхсиир үлэлэрин айа-тута сылдьыҥ, кэрэни үксэтиҥ, үйэлээҕи үрдэтиҥ.

Тэрээһин толору видеотын анал ссылката: https://vk.com/video-212592393_456239124