Тааһаҕардааҕы «Эйгэ» НАДЬ уонна Нэһилиэк дьаһалтата тэрийбит «Сааһы көрсүү» бырааһынньыга Муус устар 16 күнүгэр бэрт сэргэхтик буолан ааста. Бырааһынньыкка олус минньигэс астаах сылаас чэйдээх хорчуоппалар үлэлээтилэр, дьон мустаатын кытта бырааһынньыктааҕы «Сандал сааһы көрсөбүт» эҕэрдэ кэнсиэрпит «Таал-Таал эмээхсин» остуоруйатынан аныгылыы туруоруулаах инсценировканнан арылынна, нэһилиэк баһылыга Каратаев С.С нэһилиэгин олохтоохторун эҕэрдэлээтэ, ылбаҕай ырыалар ылланнылар.
Бырааһынньыгы түөлбэлэр икки ардыларынан ыытыллар күүстээх аҥаардарга «Эр киҺи эрэллээх эркиммит, инники кэскилбит» күрэхтэрэ саҕаламмыта, алта араас хайысхалаах көрүҥҥэ күөн-киирсии түмүгүнэн Потаповтар дьиэ кэргэттэрэ бастакы, Андреевтар дьиэ кэргэттэрэ иккис миэстэ буоллулар.
Түөлбэлэр икки ардыларынан күрэхтэргэ түөлбэ олохтоохторо көхтөөх кыттыылары ыллылар, ол курдук «Канат тардыһыытыгар» — «Саһарҕа түөлбэ» бастакы, «Түһүлгэ түөлбэ» иккис, «Мичээр түөлбэ» үһүс миэстэни ыллылар, «Күн уонна сибэкки» түөлбэ кэрэ аҥаардара кыыс ийэтинээн сааһы көрсүү бырааһынньыгын авангардыгар Каратаева Ольга кыыһынаан Сайааналыын «Түһүлгэ» түөлбэ Бастакы миэстэ, Григорьева Ульяна кыыһынаан Юлиялыын «Саһарҕа» түөлбэ Иккис миэстэ, Афанасьева Айхаллаана кыыһа Азалиялыын «Алаһа» түөлбэ Үһүс миэстэ буоллулар. «Сааскы киһи салбаммытынан» күрэх түөлбэ кэрэ аҥаардарыгар буолла, көрдөөх-нардаах күрэх түмүгүнэн Бастакы миэстэ Григорьева Наталья Дмитриевна «Мичээр» түөлбэ, Иккис миэстэ Веревкина Надежда «Алаһа» түөлбэ, Үһүс миэстэ Герасимова Акулина «Түһүлгэ» түөлбэ, Төрдүс миэстэни ылла Тимофеева Мария «Саһарҕа» түөлбэ. Түөлбэлэр икки ардыларынан күрэххэ бүтэһик көрүҥүнэн «Хайыһар» буолла, тыҥааһыннаах киирсии түмүгүнэн Бастакы миэстэ «Саһарҕа» түөлбэ, Иккис миэстэ «Түһүлгэ» түөлбэ, Үһүс миэстэ «Мичээр» түөлбэ.
Түөлбэлэр икки ардыларынан ыытыллар күөн-күрэстэр түмүктэммиттэрин кэннэ оҕолорго сүүрүүлээх көтүүлээх эстафета буолла. Биирдиилээн ыытыллыбыт оонньууларга бырааһынньыкка кэлбит дьон бары көхтөөх кыттыыны ыллылар, оҕолорго ыытыллыбыт «блины быраҕыыта» оонньууга Мухаматсафина Дайаана кыайыылааҕынан таҕыста, «Блины астааһына», «Хаар баһыыта» оонньууларга Герасимова Акулина кыайыылаах үрдүк аатын ылла, «Сыттыгынан охсуһуу» оонньууга Воловик Николай кыайыылаах буолла, «Сыал ытыы» пневматическай сааннан ытыы күрэххэ Бастакы миэстэни Прокопьев Александр, Иккис миэстэни Каратаев Вениамин, Үһүс миэстэни Веревкина Эсланда ыллылар. Бырааһынньыкпытыгар кыттыбыт дьоммутугар, түөлбэ салайааччыларыгар , кэлэн хамаандаларга ыалдьыбыт дьоммутугар барҕа махталбытын тиэрдэбит.
