Арыылаах нэһилиэгэр кулун тутар 18 күнүгэр Бүлүү улууһугар Доруобуйа сылыгар аналлаах доруобуйаларынан хааччахтаах дьон икки ардыларыгар «Олохтуун тэҥҥэ» культурно-спортивнай күрэххэ Тааһаҕар нэһилиэгиттэн кыттыыны ыллылар, культурнай күрэхтэргэ, көрдөөх сыанка күрэҕэр «Коммунальная квартира» музыкальнай сыанканы оонньоон бочуоттаах 1 миэстэни, сахалыы таҥас көрүүтүгэр Иванова Мария, Григорьев Александр 2 миэстэни, ырыа күрэҕэр Тимофеева Мария «Сулус Вальса» диэн ырыаннан 3 миэстэни ыллылар.
Кулун тутар 19 күнүгэр Чинэкэ нэһилиэгэр «Сайдыына» үҥкүүһүттэр бөлөхтөрө салайааччы Тутукарова Саргылана Анатольевна улуустааҕы «Үҥкүү-дайар кынат» үҥкүү конкурсугар III степеннээх дипломант аатын ыллылар.
Ырыаҕа ылламмыт, хоһооҥҥо хоһуйуллубут килбиэннээх дьоннордоох Амма улууһун Сулҕаччы нэһилиэгэр кулун тутар 17-19 күннэригэр Республикатааҕы норуот театрдарын ыккардыгар «Битва режиссеров» конкурстарыгар «Эгэлгэ» көр-күлүү норуот театра «Мин кыракый дэриэбинэм», режиссер Шамаев Михаил Николаевич, спектаклынан кыттыыны ыллылар.
